Rheolaeth Amser DwyfolSampl

Amcanion Duw ar gyfer Rheoli ein Hamser

Fel hyfforddwr rheoli amser ers 2009, dw i wedi treulio’r rhan fwyaf o fy ngyrfa yn dysgu pobl y sgiliau a’r meddylfryd sydd ei angen i gyflawn pethau. Mae hynny’n cynnwys popeth o osod blaenoriaethau, i gynllunio, i reoli tasgau. Ond yn 2015, wnaeth Duw fy argyhoeddi bod angen imi ddechrau integreiddio fy ffydd Gristnogol i mewn i’m gwaith. Arweiniodd hynny fi ar daith i ddarganfod llwybr o “rheolaeth amser dwyfol.” Cysyniad sydd wedi’i grynhoi yn Salm 46:10a (beibl.net): “Stopiwch! Mae'n bryd i chi ddeall mai Duw ydw i!”

Mae rheolaeth amser dwyfol, nid yn unig am gynnwys amser astudiaeth Feiblaidd yn dy amserlen ddyddiol ond hefyd yn ffordd hollol wahanol o feddwl am amser.

Dydy Duw ddim eisiau i ni eilunaddoli ein gallu i reoli ein hunain a oli ein bywydau. Yn lle, mae Duw yn dymuno ein bod yn ei drystio ynghanol pob dim dŷn ni’n ei wneud.

Fel mae Salm 127:1-2 (beibl.net) n ein hannog:

“ Os ydy'r ARGLWYDD ddim yn adeiladu'r tŷ,

mae'r adeiladwyr yn gweithio'n galed i ddim pwrpas.

Os ydy'r ARGLWYDD ddim yn amddiffyn dinas,

mae'r gwyliwr yn cadw'n effro i ddim byd.

Does dim pwynt codi'n fore

nac aros ar eich traed yn hwyr

i weithio'n galed er mwyn cael bwyd i'w fwyta.

Ie, Duw sy'n darparu ar gyfer y rhai mae'n eu caru, a hynny tra maen nhw'n cysgu.

I brofi’r symudiad hwn, dŷn ni angen dechrau trwy ollwng gafael yn yr amcanion anghywir ar gyfer rheoli amser (sy’n ymddangos mor gywir) a mynd ar ôl yr amcanion cywir.

Dyma rai amcanion anghywir sy'n hawdd iawn llithro iddyn nhw:

• Rheolaeth: Meddwl bod pethau dan reolaeth a ddim angen help Duw


• Pleser: Chwilio am deimlo’n dda gymaint ag sydd bosib


• Cyrhaeddiad: Ffocysu yn benodol ar gyflawni pethau


• Bod y Gorau:Ar gael i’r eithaf er mwyn ennill hunan werth

Ydy unrhyw un o’r amcanion hyn yn swnion gyfarwydd? Dw i’n gwybod mod i wedi syrthio i mewn i’r amcanion bydol hyn yn amlach na faswn i’n hoffi ei gyfaddef. Ond y newyddion da ydy, y gallwn ni ddychwelyd at Dduw, gofyn am ei faddeuant, ac ailgyfeirio ein calonnau i gyfeiriad ei ddymuniadau e ar gyfer rheoli ein hamser.

Mae mor syml â dweud, “Dduw, dw i’n sori am [amcan anghywir]. Plîs helpa fi i ddeall dy amcanion ar gyfer fy amser ac i dy drystio di a’th roi ynghanol pob dim dw i’n ei wneud.”

Fel mae Iago 4:13-16 (beibl.net) yn ein rhybuddio, warns us, mae'n hollbwysig fel Cristnogion ein bod yn cydnabod mai Duw yw Arglwydd ein hamser:

” Gwrandwch, chi sy'n dweud, “Awn i'r lle a'r lle heddiw neu fory, aros yno am flwyddyn, dechrau busnes a gwneud llwyth o arian.” Wyddoch chi ddim beth fydd yn digwydd fory! Dydy'ch bywyd chi yn ddim byd ond tarth - mae'n ymddangos am ryw ychydig, ac yna'n diflannu! Dyma beth ddylech chi ddweud: “Os Duw a'i myn, cawn ni wneud hyn a'r llall.” Ond yn lle hynny dych chi'n brolio eich bod yn mynd i wneud rhyw bethau mawr. Peth drwg ydy brolio fel hyn.”

Gad i ni drystio Duw, nid ni ein hunain, gyda rheoli ein hamser heddiw.