Pam y Pasg?Sampl

Rhyddid oddi wrth beth?

Talodd Iesu, trwy ei waed ar y groes, y pris i’n rhyddhau ni.

Rhyddid oddi wrth euogrwydd.

Pa un ai os ydyn ni’n teimlo yn euog ai peidio, dŷn ni oll yn euog o flaen Duw oherwydd yr amryw weithiau dŷn ni wedi torri ei ddeddfau mewn meddwl, gair a gweithred. Yn union fel rhywun yn cyflawni trosedd, mae yna gosb am dorri deddf Duw. ‘Marwolaeth ydy'r cyflog mae pechod yn ei dalu’(Rhufeiniaid 6:23).

Canlyniad y pethau drwg dŷn ni’n ei wneud yw marwolaeth ysbrydol - cael ein torri i ffwrdd oddi wrth Dduw yn dragwyddol. Dŷn ni i gyd yn haeddu dioddef y gosb honno. Cafodd y gosb honno ei chymryd gan Iesu ar y groes yn ein lle, fel bod ein heuogrwydd yn gallu cael ei gymryd i ffwrdd.

Rhyddid oddi wrth gaethiwed

Dwedodd Iesu, ‘mae pawb sy'n pechu wedi'i gaethiwo gan bechod.(Ioan 8:34). Bu farw Iesu i’n rhyddhau o’r caethiwed hwnnw. Cafodd pŵer y caethiwed hwnnw ei dorri ar y groes. Er ein bod o brys i’w gilydd yn dal i faglu mae pŵer y caethiwed hwn yn cael ei dorri pan mae Iesu’n ein gollwng yn rhydd.

Rhydd oddi wrth ofn

‘Dwedodd Iesu ei fod yn ‘marw i ddwyn y grym oddi ar yr un sy'n dal grym marwolaeth - hynny ydy, y diafol. Mae Iesu wedi gollwng pobl yn rhydd fel bod dim rhaid iddyn nhw ofni marw bellach’ (Hebreaid 2:14-15).Bellach, does dim rhaid i ni ofni marwolaeth.

Nid marwolaeth yw'r diwedd i'r rhai y mae Iesu wedi'u gollwng yn rhydd. Yn hytrach y porth i'r nefoedd yw, lle byddwn yn rhydd o bresenoldeb pechod hyd yn oed. Pan wnaeth Iesu ein gollwng ni’n rhydd o ofn marwolaeth, fe wnaeth hefyd ein rhyddhau o bob ofn arall.