Iesu: Baner ein BuddugoliaethSampl

Buddugoliaeth dros Euogrwydd

Un o amcanion Satan yw i ni fyw yn nhywyllwch euogrwydd ein gorffennol, Mae Satan yn gwybod, hyd yn oed os ydyn ni'n gwybod fod Iesu wedi marw dros ein pechodau, ond yn dal i gario euogrwydd ein pechod, fyddwn ni ddim yn derbyn bendith a rhyddid ei faddeuant, go iawn. Byddwn yn byw yng nghysgod ein pechod gwaetha'. Yn Ioan 9:5, mae Iesu yn cyfeirio at ei hun fel "golau'r byd" Ond yn Mathew 5:14 ac 16 dwedodd Iesu hefyd, "Chi ydy'r golau sydd yn y byd. Mae'n amhosib cuddio dinas sydd wedi'i hadeiladu ar ben bryn...Dyna sut dylai'ch golau chi ddisgleirio, er mwyn i bobl foli'ch Tad yn y nefoedd wrth weld y pethau da dych chi'n eu gwneud." Fydde Duw fyth yn disgwyl i ni fod yn fod yn olau ar gyfer ei ysblander heb ei fod wedi darparu ffordd allan o dywyllwch euogrwydd.

Mae Salm 103: 10-12 yn dweud wrthym fod cariad Duw tuag atom yn fwy na allen ni fyth ei ddychmygu, a'i fod wedi pellhau ein pechod mor bell oddi wrthym fel na allwn fyth amgyffred y pellter. Pan farwodd Iesu ar y groes, cymrodd bwysau pechod oddi ar y rheiny sy'n credu, am byth. Gallwn nawr dderbyn heb unrhyw dâl ei faddeuant, byw heb euogrwydd, a theimlo ein bod wedi ein croesawu a'n cofleidio ym mhresenoldeb Duw.

Wrth i ni agosáu at ddathlu atgyfodiad Iesu, gadewch i ni gofio fod ei farwolaeth, nid yn unig wedi ein prynu o'n pechod, ond yr hawl i daflu i ffwrdd pwysau euogrwydd. Mae dyled dy bechod, hyd yn oed dy bechod gwaetha', wedi'i dalu gan waed Iesu. Cerdda yn ei ryddid heddiw!