Слухаючы БогаУзор

Больш блізкае знаёмства з Добрым Пастырам

“Я - Пастыр Добры, і ведаю Маіх, і Мае ведаюць Мяне…”Яна 10:14 ББЛ

Мне хацелася б, каб вы паразважалі над наступнымі двума пытаньнямі.

Як выглядае час, які вы праводзіце з вашым нябесным Татам?

Як гэта — размаўляць зь Ім?

Калі ласка, затрымайцеся на хвілінку ды паспрабуйце апісаць гэтыя перажываньні.

Я гэтым намякаю на тэму малітвы. Думаю, што бальшыня людзей “завісае” на гэтым слове, якое гучыць занадта часта, — “малітва”. Мы робім тое слова занадта рэлігійным. Разумееце, Бог ведае, што мы ўсяго толькі людзі, але ж мы ўсё адно намагаемся ўразіць Яго “добрай” малітвай. Робячы гэта, мы зусім не разумеем, дзеля чаго яна існуе!

Малітва — гэта папросту спосаб зьвязацца з Богам. Празь яе мы сыходзімся зь Ім. Дык я жа Бог хоча, каб мы маліліся Яму? Ну, больш за ўсё, Ён жадае, каб нашае сэрца, душа ды сілы былі цалкам адданыя Яму, як мы пра тое чытаем у Другім Законе 6:5, так?

Перш-наперш, Ён хоча, каб мы цешыліся Ім — і каб нашая ўвага была на Ім, а не на нашай “малітве”.

Мы павінны заўжды прыходзіць да Яго такімі, якімі мы ёсьць, аддаючы нашае роспачнае, нявартае, але такое любімае “я”, нашаму Тату, Які трымае ўсё ў Сваёй руцэ, ёсьць ўсемагутным, дзівосным, і тым ня меней цалкам спагадлівым. І калі мы робім тое, то нашая чара перапаўняецца Ягонай сілай, мацаваньнем, мудрасьцю, супакоем, праведнасьцю ды радасьцю. У Яго прысутнасьці зьмяшчаецца багатае жыцьцё. Ён ёсьць Жывой Вадой ды Хлебам Жыцьця.

Калі мы молімся, то мы павінны ня толькі гаварыць, але й слухаць. Намагайцеся чуць Яго ды йсьці Ягонымі добрымі шляхамі. Ідзеце да яго, калі вам радасна, калі вы гарэзьлівыя, стомленыя, калі сумняваецеся, калі вам страшна. Ідзеце да Яго, калі вы знаходзіцеся ў даліне сьмяротнага ценю. Набліжайцеся да Яго ды слухайце Ягоныя суцяшальныя словы жыцьця ды надзеі.

Гэтак мы павінны прыходзіць да Яго безупынна — як падчас манатоніі, так і падчас усялякіх іншых абставінаў. Робячы гэта, мы пачынаем лепш знаць нашага Пастыра. Я маю на ўвазе сапраўды знаць Яго.

Што да мяне, то калі я малюся, я адчуваю, нібыта я сяджу за гарачай гарбатай з маімі найлепшымі сябрамі. Гэта так цудоўна. Гучыць добра, праўда? Як напісаў Пол Мілер у сваёй кнізе “A Praying Life” (“Малітвеннае жыцьцё”), “Немагчыма добра пазнаёміцца з Богам на ляту. Блізкія адносіны немагчыма стварыць; для іх трэба ствараць месца.”

Спадзяюся, што апошнія сем дзён паглыбілі вашае разуменьне таго, што значыць слухаць Бога. Гэта ня так складана, як мы сабе часта ўяўляем. Гэта так жа ж проста, як пакінуць прыслухоўвацца да ўсялякай хлусьні, адкрыць нашае сэрца, трохі памаўчаць ды дазволіць нашаму Пастыру гаварыць.

Я малюся, каб вы лепей разумелі, што слухаць Бога — заўсёды значыць знаёміцца з нашым Добрым Пастырам на больш глыбокім узроўні.

Скажэце Тату:Сёньня я буду шукаць Цябе ўсім маім сэрцам, душой ды сіламі. Ад гэтага часу, я пачну прыходзіць да сапраўднага Цябе з маім сапраўдным “я”. Я хачу знаць і слухаць Цябе больш і больш з кожным днём.

Рэкамэндацыя песьні праслаўленьня на сёньня: “Touch the Sky” ад Hillsong United