Слухаючы БогаУзор

Ашуканыя жаданьнем

Грэх пачаўся з наступнай хлусьні: Бог ня ёсьць добрым, Яму нельга давяраць, і Ён нешта хавае ад нас. Безумоўна, гэтае ашуканства працягваецца да сёньняшняга дня. І калі гэтага было замала, нашая прыродная прага, як Евіна, супрацоўнічае з гэтай хлусьнёй! Усё гэтае ашуканства дапамагае Шатану ў ягоных намаганьнях адлучыць нас ад Бога.

Ева ўбачыла плады і падумала, што яны выглядалі надта добра й прыемна. Яе таксама спакусіла прынада лепшага разуменьня, веданьня і, магчыма, нават сілы.Вы будзеце, як багі.Ну ж і абдурылі яе!

А як наконт вас? Колькі разоў вас адолела пажада вашых вачэй і вашага абмежаванага разуменьня? Я не намагаюся маральна прыбіць вас гэным пытаньнем, толькі хачу перасьцерагчы вас, бо так не павінна быць, сябру!

Жыцьцё, злучанае з Божым голасам, азначае, што мы выконваем Ягоныя загады, каб выказаць нашую ўдзячнасьць. Праслаўляйце Яго, дзякуйце Яму, усхваляйце Яго за кожную хвіліну, бо Ён з вамі! Гэтая сьвятая сувязь азначае, што мы адчайна спадзяемся на Яго ў любых абставінах і закрываем нашыя вушы ды вочы ад усяго таго, што можа ашукаць нашыя сэрцы ды розум.

Гэты сьвет ня мой і ня ваш! Новае Неба і Новая Зямля чакаюць тых, хто зь цярплівай трываласьцю працягваюць давяраць свайму Збаўцу. Мы не павінны гнацца за кожным мімалётным трэндам. Мы не павінны баяцца прапусьціць нешта, бо мы ведаем, што нас чакаюць вялікія вечныя ўзнагароды. Да таго ж, мы ведаем, што наш Бог – сапраўды адзіны добры. Ён нашае Ўсё ўва Ўсім, Яго дастаткова, Ён усё дапаўняе!

Спытайце Тату: Ці я мушу нешта зрабіць або ведаць, каб заўсёды прагнуць толькі Цябе?