Слухаючы БогаУзор

Чуць Божы голас

Як Ёў, я хачу цаніць і прагнуць Божых словаў і Ягонага кіраўніцтва больш, чым надзённай ежы. А вы? Як вучыць урывак з Ісаі, я жадаю чуць за мной голас, які кажа мне, куды ісьці.

Але як я магу пачуць Ягоны голас? Ды наогул, ці гаворыць Ён дагэтуль? Падбадзёрцеся; Бог — сапраўдны майстра па камунікацыі! Ён стварыў дар камунікацыі. Гэта значыць, што Ён гаворыць, а мы валодаем здольнасьцю чуць Яго — і нават адгукацца на Ягоны голас. Калі Бог дагэтуль гаворыць, то мы павінны зрабіць усё магчымае, каб пазнаць Ягоны голас і слухаць! Працэс слуханьня вельмі патрэбны для сапраўднай камунікацыі, але яго часта не стае.

Перш-наперш, прыгадайма спосабы, празь якія Бога можа нам гаварыць.

Бог гаворыць праз Сваё Слова.Бог ужо адкрыў вялікую частку сваёй волі ды пляну праз Сваё Слова. Чытаньне Бібліі — адзін з найлепшых спосабаў пачуць непасрэдна ад Яго.

Бог шэпча. Ён часта ціха гаворыць з нашым духам, дае нам сны, відзені, і/або навучае нас праз нашыя жыцьцёвыя абставіны. Ён таксама накіроўвае нашыя думкі да Сваіх плянаў.

Бог гаворыць праз Свой народ.Ён часам гаворыць нам празь іншых хрысьціянаў. Тое можа выглядаць як падбадзёрваньне, выпраўленьне або кіраўніцтва.

Я малюся аб тым, каб гэты кароткі сямідзённы плян чытаньня дайшоў ад ласкавага сэрца Бацькі да вас і навучыў вас пазьбягаць усялякага шуму, што перашкаджае слухаць, дапамог вам засяродзіць увагу на Ягоным голасе, ды поўнасьцю авалодаў вашым сэрцам.

Спытайце Тату:Што я мушу зрабіць, каб лепей чуць Цябе?

Рэкамэндацыя песьні праслаўленьня на сёньня: “Yield My Heart” ад Kim Walker-Smith