Найважнейшае рашэньне ў вашым жыцьці!Узор

«Воднае хрышчэньне: публічнае абвешчаньне зьмененага жыцьця».

Воднае хрышчэньне зьяўляецца важным спосабам абвесьціць вашае збаўленьне. Воднае хрышчэньне сьвяткуе заканчэньне старога ладу жыцьця ды пачатак новага. Перад Сваім узыходжаньнем на неба пасьля ўваскрэсеньня, Ісус распавёў Сваім вучням пра важнасьць воднага хрышчэньня. Ён сказаў:

«Дык ідзеце, навучайце ўсе народы, хрысьцячы іх у імя Айца і Сына і Сьвятога Духа». Мацьвея 28:19

Новы Запавет зьмяшчае безьліч гісторыяў аб верніках, якія ахрысьціліся ў вадзе. Воднае хрышчэньне сымбалізуе нешта надзвычай важнае як для чалавека, які хрысьціцца, так і для тых, хто назірае. Воднае хрышчэньне тлумачыць навочным прыкладам заканчэньне нашага былога ладу жыцьця, калі нас акунаюць у ваду, ды пачатак нашага новага жыцьця ў Хрысьце, калі мы выходзім з вады ачышчаным, новым стварэньнем Бога.

Лукаша 3:3 малюе воднае хрышчэньне як «хрышчэньне пакаяньня» ды падкрэсьлівае важнасьць публічнага абвешчаньня, што мы адступілі ад нашага былога жыцьця ды грэху. Хоць воднае хрышчэньне і не збаўляе нас ды не ачышчае нас ад грэху, яно сымбалізуе надзвычай важную частку хрысьціянскага жыцьця – абвяшчэньне таго, што вы новае стварэньне са зьмененым жыцьцём! Калі нехта такі, хто ня меў патрэбы абвяшчаць тое, некалі існаваў, то гэта быў Ісус, бо Ён пражыў бязгрэшнае жыцьцё на гэтае зямлі. Але Лукаша 3:21 кажа:

«А калі ахрысьціўся ўвесь народ, і Ісус, ахрысьціўшыся, маліўся, – адчынілася неба…» Лукаша 3:21

Ісус ахрысьціўся, каб мы ўзялі зь Яго прыклад. Важнасьць воднага хрышчэньня немагчыма перабольшыць. Калі вы яшчэ не ахрысьціліся ў вадзе, то вам варта задумацца на тым, каб зрабіць воднае хрышчэньне вашым прыярытэтам. Біблія вучыць нас публічна абвяшчаць нашае збаўленьне, і шмат якія цэрквы, якія вераць Бібліі, забясьпечваюць багата магчымасьцяў ахрысьціцца ў вадзе. Браць прыклад з Ісуса – заўсёды выдатная прапанова. Бог шчодра дабраславіць ды ўзнагародзіць вас за вашую адданасьць ды паслушэнства!