Найважнейшае рашэньне ў вашым жыцьці!Узор

«Нам усім патрэбны Збаўца»

Калі Бог стварыў Адама ды Еву, то Ён зрабіў іх бяз грэху ды ў дасканалых адносінах зь Ім. Калі яны не паслухаліся Божага загаду ў трэцім разьдзеле Быцьця, то яны ўпусьцілі грэх у сваё жыцьцё, а таксама ў жыцьцё ўсяго чалавецтва.  Рымлянаў 3:23 апісвае вялізарны ўплыў рашэньня Адама ды Евы: 

«…бо ўсе зграшылі і пазбаўлены славы Божае.» Рымлянаў 3:23

Аніводны чалавек не зьяўляецца вызваленым ад грэху. Усе мы вінаватыя. У рэзультаце, усе мы зьяўляемся адлучанымі ад Бога. Наш грэх таксама нясе за сабой вечнае наступства. 

«Бо плата за грэх — сьмерць.» Рымлянаў 6:23а

У выніку рашэньня Адама ды Евы не паслухацца Бога, сьмерць стала непазьбежнай для іх ды іхных нашчадкаў (чалавецтва) - як фізычная, так і духоўная. Пасьля іхняга правалу перад Богам стаяла рашэньне: дазволіць грэху панаваць  над людзьмі, канчаючыся выміраньнем чалавецтва, альбо забясьпечыць спосаб збавіць людзей ад захопу грэху. На шчасьце, Бог выказаў Сваю любоў ды ласку ў найвышэйшай форме, даўшы магчымасьць збаўленьня праз Свайго Сына. 

«Бо так палюбіў Бог сьвет, што Сына Свайго Адзінароднага аддаў, каб кожны, хто верыць у Яго, не загінуў, але меў жыцьцё вечнае.» Яна 3:16

 «… дар ласкі Божай — жыцьцё вечнае ў Хрысьце Ісусе, Госпадзе нашым.» Рымлянаў 6:23б

Без Ісуса Хрыста чалавецтву наканавана фізычная ды духоўная сьмерць — без выключэньняў. Але тыя з нас, хто ў Хрысьце, зьведаюць толькі фізычную сьмерць, а не духоўную (Пекла). Калі мы пакінем гэтую зямлю, то нас чакае вечнае жыцьцё ў Нябёсах. Праз дасканалае ахвяраваньне Ісуса Хрыста ды Ягонае ўваскрасеньне зь мёртвых мы вызваляемся ад духоўнага пакараньня за грэх!