Не турбуйся ні пра штоУзор

Ісус дапамагае нам у трывозе, нават калі мы спачатку і не адчуваем, што Ён побач. Чэлсі ўпершыню адчула трывогу, калі скончыла ўнівэрсытэт. Вось ейны аповед пра тое, як Бог вывеў яе зь цемры ў Свой супакой.

Пачуцьці страху, турботы і дэпрэсіі былі вельмі рэальныя. Я амаль нічога ня ела, мне было моташна. Я спала больш за 12 гадзінаў штоноч, але ўранку мне было цяжка падняцца з ложку. Я была гэтак уцягнутая ва ўласныя думкі, што днямі папросту не размаўляла. Я шукала дапамогі ў сваякоў, у лекара, у дарадніка, у пастараў, у сяброў - але мне здавалася, што мае змрочныя дні ніколі ня скончацца.

Усе мы маем змрочныя дні. І тыя змрочныя дні могуць доўжыцца тыднямі. Або месяцамі. Або гадамі. Але калі ты ведаеш гісторыю Вялікае пятніцы - дня, калі Ісус аддаў Сваё жыцьцё за тваё, - ты ведаеш, што ёсьць і добрая навіна. Пятніца можа быць змрочнаю, але вось-вось прыйдзе нядзеля!

У нас ёсьць надзея ў цемры, і ў нашае надзеі ёсьць імя - Ісус.

У адну ліпеньскую пятніцу, мой найцямнейшы дзень, я нарэшце наблізілася да Яго, бо Ён ужо наблізіўся быў да мяне. Я памалілася:

Ісусе, дапамажы мне адмовіцца прыняць хлусьню ворага.

Ісусе, дапамажы мне перамагчы маё трывожнае сэрца.

Ісусе, дапамажы мне давяраць, што ўладарыш над усім.

Ісусе, дапамажы мне верыць, што той самы Дух, Які ўваскрэсіў Цябе зь мёртвых, жыве ўва мне.

Праз два дні, у нядзелю, я прачнулася безь цяжару дэпрэсіі і без пачуцьця трывогі. Упершыню за вельмі доўгі час я адчула Ягоны супакой. І я адчула звышнатуральнае аздараўленьне, якое можна патлумачыць толькі Божаю дабрынёю.

Ісус даў мне надзею падчас маіх змрочных дзён. Нават калі я не магла адчуваць Яго, Ён быў побач. Штодзень, калі я адчувала сябе далёка ад Яго, Ён клікаў мяне бліжэй да Сябе.

Я ня ведаю, ці ты зазнаеш гэтакае ж раптоўнае, звышнатуральнае аздараўленьне, як я. Але я дакладна ведаю, што Бог знаходзіцца побач з табою ў тваім болі.

Ісус разумее чалавечыя пакуты. І Ён дбае пра цябе. Ён дбае так, што пакінуў неба і памёр за нас дзеля таго, каб нашая цемра скончылася.

Біблія кажа: "У Ім было жыцьцё, і жыцьцё стала сьвятлом людзям. І сьвятло ў цемры сьвеціць, і цемра ня можа агарнуць яго." Яна 1:4-5

Хутка нядзеля!

Чэлсі