Грэг і Эмі Грошэл: Ад гэтага дняУзор

“Весяліцеся” Час заручынаў вельмі вясёлы. Ён поўніцца спадзяваньнямі й хваляваньнямі, але ён такі кароткі ў параўнаньні з усім сумесным жыцьцём. Як захаваць гэтую радасьць заляцаньняў, заручынаў і мядовага месяца цягам доўгіх гадоў шлюбу? Як можна весяліцца, калі надыходзяць фінансавыя цяжкасьці, праблемы зь дзецьмі ці проста іншы этап у жыцьці? Ці мусіце вы працягваць заляцацца да свайго сужонка, нават калі вы ўжо "злавілі" яго? ТАК! Сумесны час, калі вы можаце павесяліцца, мусіць быць прыярытэтам. Нават калі падаецца, што гэта раскоша, якую вы ня можаце сабе дазволіць, але гэта істотная частка шлюбу, якая дапамагае прайсьці ўвесь шлях. Гэта неабходнасьць. І вы можаце АБРАЦЬ радавацца разам са сваім сужонкам. Што, калі б у шлюбе некага іншага было б больш весялосьці, чым у вашым? Што, калі б дзяўчына ў банку сьмяялася з вашых жартаў? Што, калі пляны на выходныя ў хлопца зь офісу выглядаюць лепш за вашыя? Калі трава падаецца зелянейшай у іншым месцы — палівай свой газон! Сьвядома працуйце над блізкасьцю й сувязьзю паміж вамі. Працуйце над тым, каб ізноў зрабіцца лепшымі сябрамі: смейцеся разам, стварайце адно для аднога ўтульнасьць, зьвяртайцеся адно да аднаго па суцяшэньне й радасьць. Магчыма, вылучэньне часам на забавы не выглядае забаўна, але, магчыма, варта з гэтага пачаць. Вы ж хочаце такіх стасункаў, праўда? Давайце памолімся: Ойча, мы каемся ў тых рэчах, якія скралі час, які мы мусілі прысьвячаць адно адному Дапамажы нам, як пары, вылучаць час для нас. Дай нам мудрасьці й крэатыўнасьці, каб знаходзіць спосабы насалоджвацца кампаніяй адно аднога. У імя Ісуса Хрыста, амэн.