Грэг і Эмі Грошэл: Ад гэтага дняУзор

“Змагайцеся сумленна”. Усе пары сварацца. Але ад таго, ЯК вы сварыцеся, залежыць будзе гэта проста маленькае непаразуменьне ц ператворыцца ў катастрофу. Здаровыя пары змагаюцца, каб знайсьці рашэньне, а не каб перамагчы ў сварцы. Канфлікт сам па сабе не зьнішчае шлюб. Наступныя чатыры пункты зьяўляюцца маркерамі, што вы неканструктыўна паводзіце сябе ў канфлікце: 1. Крытыка Ці выкарыстоўваеце вы нязгоду й канфлікты, каб пачаць крытыкаваць сужонка? Ці вы правініліся, крытыкуючы яго публічна? Крытыка зьяўляецца папярэджваньнем, што вы змагаецеся не за стасункі, а адно з адным. 2. Пагарда Пагарда зьяўляецца адным з найдакладнейшых індыкатараў таго, што ў шлюбе праблемы. Нават калі яна не выражаецца словамі, прыхаваны злосны позірк, раздражнёнае закатваньне вачэй ці яхідныя думкі пра сябе таксама ёсьць чырвонымі сьцяжкамі. 3. Абарончая пазыцыя Зараз жа — калі вы не ў запале сваркі — пагадзіцеся, што складана прызнаць, што вы сталі ў абарончую пазыцыю, калі вы ўжо распушылі пер'е. Вы мусіце згадзіцца выслухаць партнэра, калі ён вам на гэта ўкажа. 4. Адступленьне Калі ваш сужонак ня хоча шукаць Бога разам, не адступайце. Ваш сужонак вам ня вораг. У нас ва ўсіх ёсьць толькі адзін вораг. І акурат ён і ёсьць злодзей і хлус, які ніколі не змагаецца сумленна. Ня біцеся адно з адным. Будзьце ў адной камандзе й змагайцеся з духоўнымі праблемамі кшталту гонару й цьвёрдасьці сэрца, якія падрываюць ваш шлюб. Давайце памолімся: Ісус, дапамажы нам не дазваляць канфліктам расшчапіць наш шлюб. Дапамажы кожнаму з нас перамагчы свой гонар і паглядзець на ўласныя праблемы з крытыкай, пагардай, абарончай пазіцыяй і адступленьнем. Дапамажы нам змагацца такім чынам, каб гэта прыносіла аднаўленьне й рашэньне праблемаў. У імя Ісуса Хрыста, амэн.