Грэг і Эмі Грошэл: Ад гэтага дняУзор

“Ад гэтага дня”. У шлюбе вы ці не, ці марылі вы, як будзе выглядаць вашае сужонства? Якім будзе ваш сужонак? Якія ў вас будуць стасункі? Ці будуць у вас дзеці й дзе вы будзеце жыць? Цяпер падумайце аб вашым цяперашнім жыцьці. Што нам рабіць, калі рэчаіснасьць не адпавядае нашым марам? У вясельных абяцаньнях ёсьць словы "у шчасьці й няшчасьці, у багацьці й нястачы, у здароўі й хваробе". Адносіны ўключаюць у сябе ўсё гэта. Не істотна, якія абставіны, выбары, недахопы ці неспадзяванкі прывялі вас да зусім далёкай ад мараў рэчаіснасьці, нельга глядзець назад у спадзяваньні палепшыць сітуацыю. Адзінае, што мы можам зрабіць, — прысьвяціцца лепшай будучыні проста зараз, "ад сёньняшняга дня". Калі б стварыць шлюб вашай мары было б лёгка, вы б яго ўжо стварылі, ці ня так? Калі ў вас няма на гэта моцы, вам давядзецца навучыцца пакладацца на моц Хрыста, якой заўсёды дастаткова. І нават калі вы адчуваеце, што ў вас зусім няма любові, вы можаце спадзявацца на Яго любоў, якая ніколі не перастае. Давайце памолімся: Госпад, дзякую Табе, што кожны дзень, які Ты даеш, гэта падарунак для нас, магчымасьць пачаць наноў. Дапамажы нам прабачаць і адпускаць мінулае. Калі ласка, дапамажы нам бачыць Тваю моц у нашых сёньняшніх, а таксама заўтрашніх і пасьлязаўтрашніх слабасьцях. У імя Ісуса Хрыста, амэн.