Oswald Chambers: Hoop - ‘n Heilige Belofte Voorbeeld

Indien jy jou “gister” ten volle aan God toevertrou, dit onherroeplik maak, en in vertroue vashou aan wat Jesus Christus gedoen het, sal jou mond gevul wees met gelag en jou tong met gejubel. Baie min van ons bereik daardie punt, want ons glo nie dat Jesus Christus werklik bedoel wat Hy sê nie. Kan Jesus Christus my werklik nuut maak, met my gemeenheid en my boosheid? Kan Hy werklik my gedagtes en my drome herskep? Jesus het gesê: “Met God is alle dinge moontlik.” Die rede hoekom God dit nie vir ons kan doen nie is as gevolg van ons ongeloof; dit is nie dat God dit nie sal doen as ons nie glo nie, maar eerder dat ons toewyding aan Hom ‘n noodsaaklike deel van die verhouding uitmaak.



Die aanklaer van die broeders sê vir God: “Daardie man is ‘n gebroke riet, moet geen hoop op hom plaas nie, hy is ‘n belemmering en ‘n ontsteltenis vir U; breek hom.” Maar nee, die Here sal die geknakte riet nie afbreek nie, maar dit omskep in ‘n wonderlike instrument waaruit Hy pragtige musiek sal voortbring.



Oordenkingsvraag: Wat kom ek kort vanweë my weiering om te glo in die hoop wat God vir my het?



Aanhalings uit: "The Place of Help" en "Notes on Isaiah", © Discovery House Uitgewers