Hoekom Het Ek Jesus Nodig?Voorbeeld

Jesus het vir die sondes van die hele wêreld gesterf. Dit is moeilik om jou in te dink hoekom enigeen die straf sou wou dra vir iets wat hulle nie gedoen het nie. Wat as daardie straf egter die dood was? Net Jesus kon dit vir ons doen omdat Hy die enigste een is wat nooit 'n enkele keer gesondig het nie. Wanneer ons ons sleg gedra en ongehoorsaam aan God is, mag ons dalk wonder hoe God ons ooit kon liefhê. God het egter nie vir Jesus gestuur om in ons plek te sterf omdat ons dit verdien het nie. Nee. Dit is weens sy groot liefde vir ons. Hy het geweet Jesus sou as 'n baba aarde toe kom nog voordat Adam en Eva gesondig het. Hy het jou ook geken nog voordat jy gebore is! Hy het van alles geweet wat jy ooit sou doen en Hy het steeds gekies om sy Seun te stuur om vir jou te sterf. Hy het selfs gekom om mense te red wat op die oog af te sleg vir Jesus se hulp was. Jy kan met God praat en Hom vra vir sy vergifnis en Hom ook vra om jou te help om jouself te vergewe.