7 Dae van Bid deur VerliesVoorbeeld

Herstel van Verlies


Jesus het geween omdat Hy hartseer was oor die dood van sy vriend Lasarus. Hy was goed bekend met smart. Watter hartseer of verlies ons ook al ervaar, God verstaan. Trouens, die Heilige Gees word ook die Trooster genoem. Een van sy vertroostinge is vrede wanneer ons rou oor 'n diep verlies. Watter verlies het jou hartseer veroorsaak? Neem dit na die Here toe. Moenie dat jou hartseer 'n bron van bitterheid word wat die vyand 'n voet in die deur gee nie.


God smag na 'n diep en blywende verhouding met jou. Omdat Hy betroubaar is, wil Hy hê jy moet op Hom staatmaak. God kan jou hartseer gebruik om jou verhouding met Hom te versterk.


As jy gesond is, sal jy waarskynlik nie binnekort na die dokter se spreekkamer gaan nie. Dit is omdat dit lyk of alles in jou liggaam funksioneer en doen wat dit veronderstel is om te doen. Wanneer jy egter siek word, en veral as daardie siekte vir 'n lang tyd voortduur, is die kans groot dat jy 'n afspraak sal maak om jou dokter te gaan besoek. Jy sal kies om jou dokter se teenwoordigheid op te soek.


Net so, laat God soms verlies in jou lewe toe om jou fokus terug op Hom te kry. Hy wil nie hê jy moet hierdie pad alleen stap nie. Hy is by jou selfs wanneer jy vergeet dat Hy daar is. Hy smag daarna om naby jou te wees.


Is jy in 'n situasie wat jou lewendig wil opeet? Raak jou hoop elke dag net minder en minder? Voel jy ooit oorweldig deur spyt oor wat jy verloor het?


As dit jou situasie beskryf, is daar niks wat ek meer wil hê as om jou te herinner dat Jesus by jou is nie. Hy is nou net daar by jou. Ek wil hê jy moet ten volle weet dat omdat Hy by jou is, is sy krag en sy genade ook by jou. Sy krag en genade sal jou vertroos.


God roep ons soms om deur 'n vallei te stap. Ek kan jou nie belowe dat die lewe sonder wind, wolke en reën sal wees nie. Maar ek kan jou wel belowe dat jy nie alleen deur die vallei van verlies hoef te stap nie. As jy jou oë op Jesus Christus sal rig, sal Hy jou ontmoet waar jy is. Hou dus aan loop. Moenie moed verloor nie. Moenie sê dat jy dit nie kan nie, want God is saam met jou. Jy stap nie hierdie pad alleen nie.


Kom ons bid:
"Here, U is die Skepper van alle dinge. Trouens, U hou alle dinge in u hand. Niks wat ek in my lewe verloor het, was vir U 'n verrassing nie. U is bewus van alles en U het alles in u opperheerskappy toegelaat. Help om my gebroke vertroue en hoop te herstel. Gee my 'n hart wat na U wil in my lewe smag. Help asseblief om my gedagtes weg te neem van wat ek verloor het en te rig op die beloftes wat ek in U het — een daarvan is dat U my nooit sal versaak of verlaat nie. In die Naam van Christus, amen."

As jy hierdie oordenking betekenisvol gevind het, sal Tony Evans se preek, "Stop It! No More Worry" vir jou groter bemoediging verskaf terwyl jy van verlies herstel. Besoek asseblief hier.