Dapper GebedeVoorbeeld

Afgesonder En Uitgestuur

Wanneer ons dag sewe van hierdie leesplan oor gevaarlike gebede begin lees, is die kanse goed dat jy een of ander tyd in jou lewe slegter daaraan toe was. Jy kan waarskynlik identifiseer met die ou gesanglirieke: "Verlore seun 'n wegloopkind weer in die vaderhuis." Jy glo waarskynlik heelhartig dat Hy jou skoongewas het van jou sonde en skande, dat Hy jou herstel en afgesonder het. Jy weet waarskynlik selfs wat die terme "geheilig" en "toegewyd" beteken.

Gister het ons Jesaja 6:8 gelees. Kom ons kyk vandag wat gebeur het voordat God sy opdrag aan Jesaja gegee het. In verse 1-7 het Jesaja beskryf hoe hy die Here en sy engele in 'n tempel sien. Wat? Ja. Verstommend, reg? Jesaja se reaksie was eintlik om te sê: "Wag 'n bietjie. Dit is klaar met my! Ek is verlore! Elke woord oor my lippe is onrein ..." Op daardie oomblik het een van die serafs 'n gloeiende kool met 'n tang van die altaar afgehaal en Jesaja se mond daarmee aangeraak. Wat het volgende gebeur? Jesaja 6:8 het daarna gebeur. Nadat sy lippe skoongemaak, afgesonder en geheilig is, het God hom gevra om sy boodskapper te wees. Kan jy sien waarheen ons beweeg? Wanneer ons gered, skoongemaak, gevind en afgesonder word, is daar 'n rede. God sonder ons nie af om 'n trofee op 'n boekrak te wees, of om verouderd in 'n hoek te sit, of om 'n vreemde alleenloper te wees nie. God sonder ons af om ons iewers heen te stuur waarheen ons nie saam met die skare kon gaan nie.

Wat het God vir jou gedoen? Hoe dink jy berei dit jou voor op wat Hy wil hê jy vir Hom moet doen? Kom ons los almal gesamentlik die veilige lewe in ons truspieëltjies agter. Kom ons vra God om ons te deursoek, ons te breek en ons uit te stuur. Kom ons besef daar is niks in ons waarvan Hy nie reeds weet nie. Kom ons rig ons oë op ons oopgebreekte behoefte aan 'n Here en Verlosser. Kom ons beweeg vorentoe. Hy het ons afgesonder om ons uit te stuur.

Bid: Heilige Gees, hier is ek. Stuur my.

[Kry meer gratis Gevaarlike Gebede inhoud.]