PSALMS 126
126
Verander tog ons lot, Here
1’n Pelgrimslied.
Toe die Here die bannelinge
teruggebring het na Sion toe,
was dit vir ons soos ’n droom.
2Ons het toe gelag
en van vreugde gesing.
Die ander nasies het gesê:
“Die Here het groot dinge
vir hierdie mense gedoen.”
3Die Here het groot dinge
vir ons gedoen
en ons is vol vreugde!
4Verander tog ons lot, Here,
soos strome in die Suidland.
5Hulle wat met trane saai,
sal met vreugde maai.
6Hulle wat met trane
die saadsak loop en dra,
sal beslis sing van vreugde
wanneer hulle die gerwe dra.
Tans Gekies:
PSALMS 126: NLV
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011