JOSUA 4:4-7

Josua het toe die twaalf mans wat uit elke stam kom, nadergeroep. Hy sê vir hulle: “Gaan by die ark van die HERE julle God verby tot in die middel van die Jordaan. Elkeen moet ’n klip op sy skouer tel sodat daar vir elke stam een is. Ons sal daarmee ’n gedenkteken bou. Julle kinders sal julle in die toekoms vra: ‘Waaraan herinner hierdie klippe julle?’ Julle moet dan vir hulle vertel: ‘Die water van die Jordaan is afgesny toe die ark van die verbond van die HERE deur die Jordaan gegaan het.’ Hierdie klippe sal die Israeliete altyd daaraan herinner.”