Leesplan inligting
Reis Saam Met Jesus — 40 Dae Lydenstyd OordenkingVoorbeeld
Jesus se dissipels het voorbereidings getref vir die Paasfees ete. Kom ons lees hierdie verse en kyk na drie eenvoudige dinge wat hulle ter voorbereiding gedoen het:
1. Hulle het na Jesus toe gegaan 2. Hulle het vir Jesus gevra en 3. Hulle het Jesus gehoorsaam.
Tydens hierdie Lydenstyd berei ons ook voor vir die dag wat ons Jesus as ons sondelose Paaslam herdenk. Tref ons egter voorbereidings volgens ons voorwaardes of Syne? Is ons voorbereiding tydens die Lydenstyd slegs op die sigbare ingestel — of wag ons op Jesus, luister ons na Hom en volg ons Hom in gehoorsaamheid?
Laat ons tydens hierdie tydperk van voorbereiding, eers na Hom toe kom sonder ons eie agendas. Kom ons wag in nederigheid op Hom. Kom ons luister na sy stem. En die heel belangrikste; kom laat ons nie net hoorders van die Woord wees nie, maar ook daders. Die dissipels "het gemaak soos Jesus aan hulle opgedra het, en die paasmaaltyd voorberei." Hoe berei jy en ek voor?
Oordink
Wat "gee ek prys" in die Lydenstyd? Is dit iets waarvan God my oortuig het? Is my voorbereiding meer vleeslik as geestelik? Wag ek op God en is ek bereid om volgens sy voorwaardes na Hom toe te kom?
Gebed
Hemelse Vader, soms is dit so maklik om in 'n ou roetine en ritueel te verval wat die Lydenstyd betref. Ons gee onbewustelik een of ander ding prys, net om ons skuld te verlig en 'n eiegeregtige baadjie aan te trek. Ek het hierdie Lydenstyd vir 'n hernude visie gebid. Help my om in ware nederigheid na U te kom en toe te laat dat U my snoei soos U wil. Amen.
Skrif
Aangaande hierdie leesplan
"Reis Saam Met Jesus" is 'n leesplan om ons te help om saam met Jesus deur die laaste twee hoofstukke van Matteus te stap. Ons staan stil om op Jesus se laaste dae op hierdie aarde te fokus en wat dit vir ons beteken. Ho...
More