سات (7) باتیں جو بائبل شادی کے بارے میں کہتی ہےنمونہ

یہ ان ہدایات میں مرکزی آیت تھی جو یسوع براہ راست زندگی گزارنے کے لئے دے رہا تھا۔ جب میں نے اس آیت کو ازدواجی زندگی کو مدنظر رکھ کر سوچا تو اس سے مجھے احساس ہوا کہ ہم دوسروں کی غلطیوں کی فہرست بنا کر رکھتے ہیں۔
اس کے بارے میں سوچیں: شادی کا مقصد زندگی بھر کا جیون ساتھی بن کر رہنا ہے۔ جب آپ تقریباً ہر روز کسی ایک فرد کے ساتھ رہتے ہیں اور اس میں سالوں گزر جاتے ہیں، چھوٹی چھوٹی باتوں کو جمع کرنا مشکل نہیں ہوتا یہ بہت سی چیزوں کو مدنظر رکھ کر جمع ہوتی ہیں۔
یہ سب جانتے ہیں کے معافی ازدواجی زندگی میں بڑا کردار ادا کرتی ہے، ہم بہت آسانی سے یسوع کی یہ نصیحت بھول جاتے ہیں کہ معافی کو اپنی روز مرہ زندگی کا حصہ بنائیں۔ آخر ہم غلطیوں کی فہرست بنانے کو اہمیت نہیں دیتے۔
لوقا 6 : 37 میں "معاف کرو اور تم کو بھی معاف کیا جائے گا" سے مجھے یعقوب 5 : 16 کی یاد آتی ہے کہ : "پس تُم آپس میں ایک دُوسرے سے اپنے اپنے گُناہوں کا اِقرار کرو اور ایک دُوسرے کے لِئے دُعا کرو تاکہ شِفا پاؤ ۔ راست باز کی دُعا کے اثر سے بُہت کُچھ ہو سکتا ہے۔" مضبوط ازدواجی زندگی میں گناہوں کے اقرار کی مدد سے ہم معافی حاصل کر سکتے ہیں۔ جس قدر ہم ایک دوسرے کو معاف کریں گے خاص کر اپنے جیون ساتھی کو، تو دوسرے بھی ہمیں معاف کریں گے۔
یہ بنیادی طور پر ضروری ہے کہ ہم دوسرے کو معاف کریں اور دوسرے بھی ہمیں معاف کریں۔ ہم بڑے گناہوں میں ہی نہیں بلکہ روز مرہ کی غلطیاں بھی معاف کر کے ہمیں اپنے جیون ساتھی کو اس کی غلطیوں کے ساتھ قبول کرنے کا موقع ملتا ہے، اس طرح آپ کو یہ جان کر خوشی ہو گی کہ آپ ایک دوسرے سے کن چیزوں میں مختلف ہیں۔
جب ہم اپنی جان کو ازدوجی زندگی میں ایک دوسرے کے لئے وقف کریں (دیکھیں یوحنا 15 : 13 اور افسیوں 5 : 25)، اس کی بنیاد ہے کہ ہم اپنے جیون ساتھی کو اپنے سے پہلے اہمیت دیں۔ اس کا مطلب ہے کہ عیب جوئی اور سزا کو چھوڑ کر معاف کر دینا۔ اس کا مطلب ہے کہ ہم بھی معافی حاصل کریں گے، جب اعتماد اور پیار رشتہ کی دونوں جانب سے ملے گا۔
اس ہفتہ اپنے جیون ساتھی کے ساتھ معافی کوعام کریں۔ ان باتوں کو ظاہر کریں جن میں آپ کو پتہ ہے کہ آپ غلط ہیں اور دوسری ایسی وجوہات کو بھی ظاہر کریں جن میں ہمیں معافی کی ضرورت ہے ۔
Tommy George
YouVersion Engineer