Tungkol sa Gabay
Ang Kapangyarihan ng PangitainHalimbawa
Kunin ang App
May pagkakataon ba na pakiramdam mo wala kang kapangyarihan pero hangad mo na sana mayroon kang puwedeng gawin?
Isipin mo si Nehemias, ang tagapagdala ng baso kay Haring Artaxerxes. Wala siyang pera o kapangyarihan, pero ginamit siya ng Diyos upang baguhin ang kasaysayan.
Noong dumating ang kapatid ni Nehemias para sabihin sa kanya ang tungkol sa mga pag-uusig na nangyayari sa Jerusalem, siya ay umupo at tumangis.
Masidhi ang pagmamalasakit ni Nehemias para sa mga mamamayan ng Israel at sa siyudad ng Jerusalem. Nang marinig niya ang balita, nakita niya sa kanyang isip ang pangangailangan, naramdaman sa kanyang puso ang sakit, at nagtulak ito para siya ay manalangin.
Makikinita natin ang kanyang inisip, “Ano ang maaari kong gawin tungkol dito? Isa lamang akong tagadala ng baso sa hari.”
Sa kabila ng kanyang kawalan ng kapangyarihan, dumulog si Nehemias sa Kanya na makapangyarihan sa lahat. Maglaan ng sandali para hilingin sa Diyos na ipakita ang isang pangangailangan sa paligid mo, isang pangangailangan na bukod-tanging ikaw ang niregaluhan ng Diyos para tuparin ito.
Banal na Kasulatan
Tungkol sa Gabay na ito
Ang pangitain ay ang isang pinakamahalagang kadahilanan na nagbubukod sa mga mabuting pinuno mula sa mga dakila. Tuklasin ang proseso na ginagamit ng Diyos upang magsimula ng pangitain sa buhay ng mga Cristiano.
