Praying for your Elephant - Pagdarasal nang May Lakas ng LoobHalimbawa

“Unang Napakinggan" Ang pagtatalaga na gawing pangunahing gabay ang Diyos ay mahalaga sa pagtahak sa tamang landas ng iyong buhay. Ito ang katotohanan. Hindi namatay si Jesus sa krus para lamang ipagpatuloy Niya ang pakikipag-usap sa iyo sa pamamagitan ng ibang tao, pelikula, o aklat. Naparito si Cristo at nagdusa upang makilala mo siya nang lubos at mabuksan ang lahat ng linya ng komunikasyon na hinarangan ng kasalanan ng sangkatauhan. Naparito Siya upang direktang makipag-ugnayan sa iyo. Malinaw ang sinasabi sa Banal na Kasulatan, “Kaya’t huwag tayong mag-atubiling lumapit sa trono ng mahabaging Diyos, upang makamtan natin ang habag at kalinga sa panahon ng ating pangangailangan.” Hindi nito sinasabi na dumulog tayo sa trono na nakatayo sa likod ng isang taong tagapamagitan. Ito ay isang napakaganda at malalim na pahayag. Ang inuupuang trono ng Diyos ay trono ng biyaya na sasagutin ang iyong mga pangangailangan at kung saan masusumpungan mo ang habag at pagpapala na iyong hinahanap. Kung ikaw ay nagtataka man kung saan napunta ang biyaya sa iyong buhay, makikita mo iyon sa trono ng Diyos.