Soma Biblia Kila Siku Desemba 2021Mfano

Mpinga Kristo na walioungana na utawala wake wataonekana kana kwamba wana umoja na nguvu nyingi, lakini watashindwa na Bwana Yesu. Maana ni Mungu aliyewatia nia moja ili waangamize utawala wao wenyewe na kutimiza neno la hukumu ya Mungu. Maana Mungu ametia mioyoni mwao kufanya shauri lake, na kufanya shauri moja, na kumpa yule mnyama ufalme wao hata maeno ya Mungu yatimizwe (m.17). Ndivyo Bwana Yesu atavyowashinda maadui zake na kuyadhibiti matukio yote katika historia ya dunia. Usipoteze neema ya kujua haya; mwamini Kristo Yesu, Bwana wa Mabwana na Mfalme wa Wafalme, ili uwe upande wa washindi waitwao wateule na waaminifu (m.14, Walio pamoja naye ndio walioitwa, na wateule, na waaminifu).