Soma Biblia Kila Siku Desemba 2021Mfano

Mtunzi wa zaburi hii anaendelea kuelezea heshima na utukufu wa mfalme huyu akihusianisha na fahari na mapambo ya sherehe ya arusi. Kisha anatoa angalizo kwa malkia mpya (bibi arusi), abadilishe tabia yake na kuwa mwaminifu kwa mumewe. Picha hii inahusu Yesu na Kanisa. Hivyo kanisa, yaani mimi na wewe tulioposwa na Yesu Kristo tunapaswa tubadilishe tabia zetu na kuwa waaminifu wa Yesu. Yeye ndiye Bwana Arusi. Katika m.10-12 imeandikwa kwamba mfalme atautamani uzuri wako, maana ndiye bwana wako, nawe umsujudie. Hulingana na ilivyoandikwa katika Ufu 19:6-8 kuwa arusi ya Mwana-Kondoo imekuja, na mkewe amejiweka tayari. Naye amepewa kuvikwa kitani nzuri, ing’arayo, safi. Tumngojee Bwana Yesu. Anakaribia!