Soma Biblia Kila Siku Septemba 2021Mfano

Paulo anakaza umoja wetu na Yesu Kristo: Uhai wetu umefichwa na Kristo (m.3). Yaani, ukimtegemea Yesu kama Mwokozi wako, umefichwa katika yeye. Mungu hatakuona kama alivyokuona kwanza. Anamwona Yesu tu katika maisha yako. Ndivyo ulivyo wokovu wetu. Ndani ya Yesu shetani hana mamlaka tena. Ni mahali pa salama kabisa. Huwa tunavutwa na mambo ya dunia hii, lakini tukimtazama Yesu hatufuati mambo hayo, bali twamfuata Yesu. Ndiyo sababu ya Paulo kusema kama ilivyoandika katika m.1-2: Basi mkiwa mmefufuliwa pamoja na Kristo, yatafuteni yaliyo juu Kristo aliko, ameketi mkono wa kuume wa Mungu. Yafikirini yaliyo juu, siyo yaliyo katika nchi!