Soma Biblia Kila Siku Septemba 2021Mfano

Paulo anatufundisha jinsi tunavyopaswa kuishi ili tupate maisha ya kifamilia yenye amani na furaha. Haya yote yapo chini ya upendo. Ikiwa wanaume wanachukua shughuli za wanawake kama sheria ya nyumbani, upendo utakosa nafasi. Shughuli za wanawake zizingatiwe hasa na wanawake wenyewe, na shughuli za wanaume zizingatiwe hasa na wanaume wenyewe! Kwa hiyo neno lifuatalo ni kwa wanawake peke yao: Ninyi wake, watiini waume zenu, kama ipendezavyo katika Bwana (m.18). Wakati neno lifuatalo ni kwa wanaume peke yao: Ninyi waume, wapendeni wake zenu msiwe na uchungu nao (m.19). Maagizo haya yapo pamoja na maagizo kwa watoto na wazazi kwa ajili ya kutunza upendo kati ya wote nyumbani. Tuwavumilie watoto. Kipekee akina baba wanakumbushwa: Ninyi akina baba, msiwachokoze watoto wenu, wasije wakakata tamaa (m.21)!