Informacion rreth planit
Takim Romantik në Epokën ModerneShembull
Merr aplikacionin
Si të Dalësh në Takime Romantike?
Disa vite më parë, ndërsa po vizitoja Grand Canyon, u futa thellë në kanion për të parë një ujëvarë. Ndërsa ecja përgjatë lumit Kolorado, takova një çift të ri që po shkonin në të njëjtën ujëvarë. Ata më ftuan të bashkohesha me ta, por unë ndjeva se do të më ngadalësonin. Ndërsa vrapoja përpara, fillova të kisha frikë se mos e kisha humbur ujëvarën. Ndërsa u krijua paniku, u përplasa në një shkëmb dhe trondita një dre që më bëri të bie prapa dhe të rrëzohem në kanionin shkëmbor. Ndërsa u shtriva atje, dëgjova zhurmën e ujit që binte. Pas tij, gjeta çiftin e ëmbël që kisha kaluar më parë, duke shijuar drekën e tyre në bazën e ujëvarës.
Unë e tregoj këtë histori për të ilustruar një realitet: çifti dhe unë të dy arritëm në destinacionin tonë, por unë ndoqa një rrugë më pak efikase dhe jo aq argëtuese për të arritur atje. Kjo ilustron takimin modern. Njerëzit po gjejnë dashuri çdo ditë. Megjithatë udhëtimi po zgjat dukshëm më shumë - shumë njerëz nuk martohen derisa të kalojnë tridhjetë vjeç. Në brezat e kaluar shtigjet ishin më të qarta, por tani ne po kalojmë nëpër shkretëtirë pa pajisje, pa udhëzues, dhe me një gjysëm biskotë me drithëra. Ne po durojmë, por jemi duke u goditur goxha gjatë rrugës.
Rregullat e takimit janë bërë të paqarta dhe të pasigurta. Takimi duhet të shoqërohet me fjalë të tilla si argëtues, ngazëllyes, dhe frymëzues. Por shumë shpesh, fjalët që dëgjoj të lidhura me takimin janë trishtues, rraskapitës, dhe stresues. Si dikush që i do miqtë e mi të rinj, beqarë, dua një udhëtim më të mirë për ta. Dhe një udhëtim më i mirë është i mundur! Rruga për në dashuri mund të jetë e dhimbshme, por ekziston një mënyrë për ta lundruar atë që, mund të shmangë dhimbjen e panevojshme.
Pjesa më e madhe e shqetësimeve sot, është shkaktuar nga mungesa e ndonjë procesi të qëllimshëm të takimit. Vë re se them procesi - fjala nënkupton lëvizjen. Takimi duhet të jetë një seri veprimesh drejt një fundi të paracaktuar. Nuk është një status në të cilin ulesh pa asnjë lloj vrulli. Është menduar të jetë një proçes vlerësimi që ka një pikë përfundimtare - një destinacion i quajtur martesë.
Ky proces karakterizohet nga parime të përjetshme, të rrënjosura në karakterin dhe dashurinë e Zotit. Vë re që i quaj ato parime, jo hapa. Hapat do të ishin më të lehtë - thjesht ndiq udhëzimet dhe do të martohesh lumturisht! Takimi nuk funksionon në këtë mënyrë, sepse marrëdhëniet janë shumë dinamike. Takimi është më shumë si lundrimi përtej oqeanit sesa montimi i një produkti. Hapat nuk do të funksionojnë kur je duke kaluar oqeanin me një anije. Ti nuk mund të marrësh udhëzime kthesë pas kthesë, sepse mjedisi është dinamik. Kush e di se çfarë stuhish do të hasësh gjatë rrugës?
Parimet, megjithatë, mund të shpëtojnë jetën tënde në det. Njohja se si të hartosh sipas yjeve, ose si të përdorësh një busull, ose si të hartosh me një hartë dhe këndmatës, mund të të ndihmojnë të shpëtosh. Në të njëjtën mënyrë, parimet e tua në takime mund të të ndihmojnë të trajtosh çdo sfidë që paraqitet. Ky informacion do të të çojë nga brigjet e beqarisë në portin e martesës.
Ndjekja e parimeve që do të mbuloj në dy leximet e ardhshme do të të kërkojnë të kesh kokën dhe zemrën tënde në lojë. Do të duhet punë. Por kjo vepër do të bëhet një aventurë (megjithëse me rreziqe) që e bën atë të vlefshme për përpjekjen. Këto parime udhëzuese - nëse i zbaton ato në mjedisin tënd dinamik të takimeve - do të të çojnë në mënyrë të sigurt nëpër ujërat e stuhishme të takimeve.
Përgjigju
Cilat fjalë i lidh me daljen në takim? Cilat janë pritjet e tua se si të dalësh në takime romantike? Cila është mendësia jote?
Çfarë do të thotë që takimi të jetë një proces? Cilat veprime përfshihen në përfshirjen në procesin e takimit? Cili është destinacioni yt në këtë udhëtim? Nëse nuk je i interesuar për martesë, cilat janë opsionet e tua për të pasur marrëdhënie të shëndetshme?
Cilat aftësi të marrëdhënies duhet të punosh në mënyrë që të takosh me sukses? Si je në dëgjim, shikim, dhe vlerësim me njerëzit që takon? Si mund të bëhet ky proçes një aventurë?
Shkrimet e Shenjta
Rreth këtij plani
Takim romantik. . . a të përcjell kjo fjalë ankth apo pritje të gëzuar në zemrën tënde? Me gjithë lidhjet teknologjike, duket se kjo i ka bërë takimet më të komplikuara, pështjelluese dhe zhgënjyese se kurrë më parë. Në ...
More
