Бурханыг ойлгохгүй байх үедЗагвар

Яагаад сайн хүмүүст муу зүйлс тохиолддог вэ?

Хүмүүсийн Бурханы тухай асуудаг хамгийн түгээмэл, байнга давтагддаг асуулт бол "Яагаад сайн хүмүүст муу зүйлс тохиолддог вэ?" Сайн хүн цаг бусаар нас барах, эсвэл шударга хүн хилс хэргээр буруутгагдах үед бид энэ асуултыг асуух хандлагатай байдаг. Энэ асуулт үнэхээр юу нь шударга, юу нь шударга бус вэ гэдгээс үүдэлтэй юм шиг санагдаж байна.

Муу зүйлс тохиолддог. Харамсалтай нь, энэ дэлхий дээр хэн нэгэнд муу зүйл тохиолдохгүй гэсэн баталгаа хэзээ ч байдаггүй. Муу зүйлс үргэлж хэн нэгэнд тохиолддог шалтгаан бол дэлхий дээр 8 тэрбум хүн амьдарч байгаа ба хүн бүр өөрийн сонголтоо хийж байгаа. Хүн бүр өөр өөрийн замыг сонгоход хүргэдэг олон янзын үзэл бодол, итгэл үнэмшлүүд байдаг. Хэрвээ ертөнцийг үзэх үзэл нь библи дээр суурилагдаагүй бол сонголтууд нь Бурханы стандарттай нийцэхгүй ба ихэвчлэн энэ нь гэм нүгэл рүү хөтөлж байдаг. Нүгэл бүр энэ дэлхийд болон бидний амьдралд маш их сүйрлийг авчирдаг.

Бид сайн хүмүүст муу зүйлс тохиолдох үед л Бурханаас асуух хандлагатай байдаг учир өөр талаас нь авч үзье. Хэрэв бид биш Бурхан энэ ертөнцийн цор ганц сайн нь юм бол ингэж асуугаад үзье. Яагаад муу хүмүүст сайн зүйлс тохиолддог вэ? Учир нь бид бүгдээрээ Бурханы мутраас ирсэн амьдралынхаа сайн сайхан зүйлсийг тоолж чадна. Мэдээжийн хэрэг бидний амьдралд хүнд хэцүү үе байдаг ч, бидэнд тоо томшгүй олон ивээлүүд ч бас байдаг. Хэрэв бидний амьдралд тохиолдож буй сайн сайхан зүйлс нь бидний хүртэх ёстой зүйл биш харин бэлэг гэдгийг ойлговол яах вэ? Хэрэв бид Түүнийг бирд шиг үзэж, Бурханаас хүссэн зүйлээ хүлээн авах ёстой гэсэн хандлагатай байхын оронд, харин талархалтайгаар алхаж, Бурхан бидэнд хавь илүү ивээлийг өгдөг гэдгийг хүлээн зөвшөөрөхийг сонгосон бол яах вэ?

Эцсийн эцэст, Бурхан бол Хамгийн Дээд Нэгэн бөгөөд түүнд төлөвлөгөө бий. Бид энэ дэлхий дээр өөрсдийн төлөвлөгөөг биелүүлэхийн тулд биш, харин Түүний төлөвлөгөөг биелүүлэхийн тулд ирсэн. Гэвч, бид амьдралд маань зовлон бэрхшээл тулгарах үед өөрсдийн хүслээр байж чадахгүй байгаа учраас эргэлзэж эхэлдэг. Бурхан үргэлж бидэнтэй хамт, бидний дэргэд, бидний төлөө байдаг ч гэсэн Тэр ертөнцийг болон Өөрийн төлөвлөгөөг зөвхөн биднийг бодож бүтээгээгүй. Учир нь Бурхан ертөнцийг үнэхээр хайрласан учраас. Түүний төлөвлөгөө, зорилго нь бидний оюун бодлоос хол давсан зүйл.

Таны амьдрах хугацаанд Бурханаас хариултаа авсан асуултуудаас илүү хариултаа аваагүй асуултууд нь олон байх болно. Гэхдээ нэг асуултын дараа нөгөө рүү шилжих үедээ магадгүй бүх хариултыг мэдэхгүй байж болох ч та Бурханыг илүү их таньж мэдсэн байх болно.