Шест дена за Божјите прекариПримерок

ДЕН 2: ЕЛОХИ ЧАСЕДИ – БОГ НА МИЛОСТА

Животот не ни ги гарантира вторите шанси. Има моменти кога нашите лоши одлуки—лоши зборови упатени кон пријател, грешки направени во текот на нашите работни задачи, нездрави одлуки во животот—имаат последици. Го губиме пријателството. Отпуштени сме од работа. Страда нашето здравје. Дури и да доживееме внатрешна промена, нема сигурност дека сѐ ќе биде во ред.

Сепак, Божјата милост ни дава втора шанса после втората шанса. Елохи Часеди—Бог на милоста— не облева со опростување и не измива со неговата љубов и милост. Тој е секогаш вистинит. Секогаш милостив. Секогаш сочувствителен. Доколку вистински го љубиме, и бараме опростување од Него, Тој ни го дава. Секогаш.

Поради причината што тој е Бог на милоста, можеме да не живееме во страв. Ние секогаш имаме пристап до мирот на умот и срцето кој Тој ни го овозможил во изобилие. Тој ни ветува дека засекогаш ќе биде со нас и ќе не пренесе преку секоја вознемирувачка ситуација или тешки времиња. Тој секогаш опростува на срце во покајание, дури иако грешките кои сме ги направиле се наши.

Наместо да се грижиш за вчера, Бог бара од нас да се фокусираме на денешниот ден. Како можеме да му служиме денес? Какви планови има денес Тој за нас? Како можеме денес да споделиме за она што е Тој, со други луѓе? Тоа е убавината на милоста—вторите шанси, гледање нанапред, фокусирани на иднината која Тој ја има за нас.