Извонредната моќ на славењето: Петдневна посвета од ПсалмитеПримерок

Славејки го Бог зајакнуваме во исчекување

Псалмистот Давид мораше да чека долго време додека да се исполни неговото ветување да стане Крал. Многу често во годините во исчекување, Давид се криеше за да го спаси својот живот додека Кралот Саул го бркаше за да го убие. Наместо тој да ја напушти верата во Бог, Давид притискаше повеќе додека чекаше. Во еден момент на неговото исчекување, Давид прославуваше кажувајќи, „Наутро го слушаш гласот мој, наутро застанувам пред Тебе и сум во исчекување". (Псалм 5:3). Таа фраза „во исчекување” зборува за уверена надеж. Не станува збор за тоа дека Давид бил неоригинален. Претходно, во Псалм 5, го моли Бог да ги слушне и разбере неговите воздишки (Псалм 5:1). Сепак, откако ги изрази желбите на своето срце пред Него, тој го менува својот фокус кон прославување поради тоа што Тој ќе му даде одговор. Додека тој го фали Бог, Светиот Дух го зајакнува неговото срце со уверена надеж. Ова е неверојатната моќ на славењето.

Додека чекаш Бог да одговори на твоите молитви, следи ја шемата. Изрази ги желбите на своето срце пред Бог, со сурова искреност, и потоа фокусирај се на тоа да го прославуваш. Тој ќе ти одговори бидејќи Тој ни ветил дека ќе ни дава одговори. Тој секогаш ги одржува своите ветувања, бидејќи е Свет Бог. Како што продолжуваш да го прославуваш Бог, дури и во моменти кога не слушаш како ти зборува, Светиот Дух ќе го зајакне твоето срце и ќе ти влее уверена надеж.

Селах – Застани и размисли: Во кој дел од твојот живот очекуваш промена? Како може славењето на Божјиот карактер да ја зајакне твојата надеж додека си во исчекување?

Молитва за прослава: Господе Боже, те прославувам Тебе бидејќи Ти си свет и добар. Ти си Бог што секогаш стои зад својот збор. Ти благодарам за твоето ветување дека секогаш кога ќе те замолам за одговор, Ти ми одговараш (Матеј 7:7). Те прославувам поради тоа што Ти секогаш го слушаш мојот глас и поради тоа што можам да ти верувам за тоа дека ќе ги одржиш сите свои ветувања. (Псалм 5: 3, 2 Коринтјаните 1:20). Ти благодарам поради тоа што, дури и денес додека те славам, Ти го исполнуваш моето срце со уверена надеж.

Псалм 5:3, „Наутро го слушаш гласот мој, наутро застанувам пред тебе и сум во исчекување.”