បានផ្លាស់ប្រែគំរូ

ប្រហែលមានស្ថានភាពពិតដ៏សំខាន់បំផុតមួយដែលព្រះយេស៊ូវបានយាងមក ដើម្បី បំផ្លាស់បំប្រែ នោះគឺជា ទំនាក់ទំនងរបស់យើងជាមួយនឹងព្រះវរបិតានៅឯស្ថានសួគ៌។ មុនពេលព្រះអង្គបានលះបង់ជីវិតគ្មានបាបសោះ ហើយនិងបានមានព្រះជន្មរស់ឡើងវិញ នោះយើងរាល់គ្នាសុទ្ធតែស្ថិតនៅក្នុងជីវិតមានបាប ដែលជាប់ក្នុងជោគវាសនានៃភាពគ្មានការរួមប្រកបពីព្រះជាម្ចាស់។ ឥឡូវនេះ ព្រះអម្ចាស់ទតសម្លឹងមើលមកយើងក្នុងកែវភ្នែករបស់ព្រះគ្រីស្ទ ហើយតាមរយៈសម្ព័ន្ធមេត្រីភាពដែលព្រះអង្គបានព្រមព្រៀងជាមួយនឹងព្រះបុត្រាដ៏ល្អឥតខ្ចោះរបស់ទ្រង់ ការនោះបានក្លាយទៅជាអំណររបស់យើងផងដែរ។ ការបែកញែកចេញ ដែលបង្កឡើងដោយ អ័ដាមនៅឯសួនអេដែន នោះព្រះយេស៊ូវបានទទួលរងទោសជំនួសយើងនៅលើឈើឆ្កាង!

ព្រះជាម្ចាស់បង្កើតមនុស្សមក ដើម្បីឱ្យយើងអាចមានទំនាក់ទំនងរួមប្រកបជាមួយនឹងព្រះអង្គ។ ព្រះយេស៊ូវបានស្ដារគោលបំណងដើម និងគម្រោងផែនការដើម ហើយបានប្រទាននូវហេតុផលសម្រាប់ការរស់រានមានជីវិតសាជាថ្មីមកឱ្យយើង! យើងនឹងមិនប្រាកដថាកំពុងរស់នៅនោះឡើយ ដរាបណាយើងកំពុងដើរជាមួយនឹងសមត្ថភាព ដែលយើងអាចស្ដាប់ឮនូវព្រះសូរសៀងនៃព្រះ ហើយទទួលអារម្មណ៍ថាមានព្រះវិញ្ញាណរបស់ព្រះអង្គ ស្ថិតនៅលើជីវិតរបស់យើងសិន។ ទំនាក់ទំនងជាមួយនឹងព្រះវរបិតា នោះគឺជាការត្រាស់ហៅដ៏សំខាន់របស់យើង ហើយនៅទីនោះឯង ដែលយើងអាចស្វែងរកឃើញគោលបំណងជីវិត និងអត្តសញ្ញាណពិតរបស់យើង។ គ្មានអ្វីណាមួយអាចយកមកប្រៀបផ្ទឹមស្មើនឹងការផ្សាភ្ជាប់ពិតជាមួយនឹងព្រះវរបិតា ហើយនិង "ជីវិតពេញបរិបូរ" ដែលព្រះអង្គបានយាងមក ដើម្បីប្រទានដល់យើងរាល់គ្នានោះទេ!