ពីថ្ងៃនេះឆ្ពោះទៅមុខ - ដោយលោកគ្រូ ក្ហ្រេក-Craig និង អេមី ក្រូឆ៊ែល-Amy Groeschelគំរូ

ដរាបណាអ្នកទាំងពីរនៅមានជីវិត

ចូរស្វែងរកព្រះជាម្ចាស់។ តតាំងគ្នាដោយស្មើភាព។ ចេះលេងសើចសប្បាយជាមួយគ្នា។ បន្តនៅក្នុងភាពបរិសុទ្ធស្អាតស្អំ។ ហើយកុំបោះបង់ចោលគ្នាឡើយ។ ការប្ដេជ្ញាចិត្ដទាំង ៥ នេះ គឺជាគន្លឹះ នឹងជួយដល់ចំណងអាពាហ៍ពិពាហ៍របស់អ្នក ឱ្យបន្តនៅគង់វង្ស។ ប៉ុន្តែ យើងត្រូវការព្រះជាម្ចាស់ សម្រាប់ធ្វើកិច្ចការទាំងប៉ុន្មាននេះ។ យើងមិនអាចធ្វើកិច្ចការទាំងអស់នេះបាន ដោយកម្លាំងអំណាចផ្ទាល់របស់យើងនោះទេ។

ចូរទុកឱ្យអតីតកាលនៅក្នុងអតីតកាលចុះ។ ចូរឱ្យថ្ងៃនីមួយៗបានជាថ្ងៃថ្មីសម្រាប់អ្នក។ ពីថ្ងៃនេះរហូតតទៅមុខ យើងអាចសម្រេចថាយើងចង់ឱ្យចំណងអាពាហ៍ពិពាហ៍របស់យើងទៅជាយ៉ាងណា។ យើងមិនអាចកែប្រែនូវអតីតកាលបានទេ ប៉ុន្តែព្រះជាម្ចាស់អាចបំផ្លាស់បំប្រែនូវអនាគតរបស់យើងបាន។ ចូរបន្តរក្សាឱ្យចំណងអាពាហ៍ពិពាហ៍របស់អ្នកនៅក្នុងភាពសាមញ្ញ ជាចំណុចផ្ដោតចិត្ដ និងមានព្រះគ្រិស្ដជាស្នូលកណ្ដាល នោះអ្នកនឹងមាននូវចំណងអាពាហ៍ពិពាហ៍ ដែលមនុស្សគ្រប់គ្នា គេតែងតែស្រមៃចង់បាន។

ចូរអធិស្ឋានរួមចិត្ដជាមួយនឹងគ្នា៖ ព្រះអម្ចាស់អើយ សូមទ្រង់ជួយទូលបង្គំ ឱ្យឃើញថាថ្ងៃចុងក្រោយនៃគម្រោងអាននេះ គឺជាទីចាប់ផ្ដើមថ្មី នៃអ្វីដែលព្រះអង្គសព្វព្រះទ័យចង់ធ្វើ នៅក្នុងចំណងអាពាហ៍ពិពាហ៍របស់ទូលបង្គំ។ ទូលបង្គំសូមថ្វាយដល់ទ្រង់នូវអំណាចគ្រប់គ្រងទាំងស្រុង គឺនៅក្នុងគ្រប់ទាំងផ្នែកទាំងប៉ុន្មាននៃជីវិតរបស់ទូលបង្គំ — រួមទាំងចំណងអាពាហ៍ពិពាហ៍របស់ទូលបង្គំ — ដើម្បីឱ្យជីវិតរបស់ទូលបង្គំនាំមកនូវសិរីរុងរឿង និងកិត្តិយសដល់ព្រះអង្គ។ ទូលបង្គំចង់បាននូវចំណងអាពាហ៍ពិពាហ៍មួយ ដែលបង្ហាញដល់លោកិយពីអ្វីដែលជា សេចក្ដីស្រឡាញ់ ការប្រោសលោះ ព្រះគុណ និងការអត់ឱនទោស មានរូបលក្ខណៈយ៉ាងណា។ ក្នុងខណៈពេលទូលបង្គំ ប្ដេជ្ញាស្វែងរកព្រះអង្គ សូមទ្រង់បានគង់នៅ មានវត្ដមានក្នុងចំណងអាពាហ៍ពិពាហ៍របស់ទូលបង្គំ ហើយបានប្រទាននូវបំណងហឫទ័យទ្រង់ មកកាន់រូបយើងទាំងពីរ។ សូមអរព្រះគុណទ្រង់ សម្រាប់រាល់អ្វីៗ ដែលទ្រង់បានធ្វើរួចជាស្រេច នៅក្នុងចំណងអាពាហ៍ពិពាហ៍របស់យើង។ ហើយសូមអរព្រះគុណទ្រង់សម្រាប់កិច្ចការទាំងប៉ុន្មានដែលទូលបង្គំជឿថា ទ្រង់នឹងធ្វើ នៅក្នុងយើង និងតាមរយៈយើងផងដែរ។ ទូលបង្គំអធិស្ឋានក្នុងព្រះនាមព្រះយេស៊ូ។ អាមែន។