ឈប់ទៅព្រះវិហារគំរូ

សេចក្ដីបដិសេធ៖ យើងខ្ញុំមិនមែនប្រាប់ឱ្យបងប្អូនរាល់គ្នា លះចោល ឈប់ទទួលស្គាល់ក្រុមជំនុំមូលដ្ឋាន ដែលបងប្អូនកំពុងតែដើរតាមព្រះគ្រីស្ទរួមជាមួយនឹងគ្នា នោះឡើយ។ ប៉ុន្តែ យើងខ្ញុំជឿថា យើងបានមកដល់ពេលវេលា ដែលយើងគួរឈប់គិត ថាយើងគ្រាន់តែ​​​​ ទៅ ព្រះវិហារទៀតទៅ ប៉ុន្តែចូរឱ្យយើងចាប់ផ្ដើម ក្លាយជា បំណែកមួយនៃក្រុមជំនុំនោះវិញ។ 

ហេតុផលទី ១ ក្នុងការឈប់ទៅព្រះវិហារ៖ កាលវិភាគរបស់អ្នក វាពេញអស់ហើយ។ អ្នកកំពុងតែចិញ្ចឹមបីបាច់កូនៗ បង្កើតមិត្ដភាព ព្យាយាមរស់នៅក្នុងចំណងអាពាហ៍ពិពាហ៍ ប្រឹងធ្វើការ ថែទាំសុខភាព និងគ្រប់គ្រងថវិកា។ តើនរណាមានពេលវេលា ដើម្បីទៅកន្លែងមួយផ្សេងទៀតបាននោះ?

ហេតុផលទី ១ ក្នុងការចាប់ផ្ដើមធ្វើជាបំណែកនៃក្រុមជំនុំ៖ យើងកំពុងរស់នៅក្នុងជីវិតដ៏ពេញបរិបូរណ៍។ នៅពេលយើងមកជួបជុំរួមជាមួយគ្នា មិនថាជានៅក្នុងក្រុមធំ ក្នុងអាគាររបស់យើង ឬនៅក្នុងក្រុមតូច នៅតាមផ្ទះរបស់យើងនោះទេ គឺយើងបានយកសេចក្ដីពិត ដែលនាំឱ្យជីវិតផ្លាស់ប្រែ យកមកអនុវត្ដក្នុងការចិញ្ចឹមបីបាច់កូនៗ ផ្ដល់ក្ដីស្រឡាញ់ដល់អ្នកជិតខាង រៀនពីជីវិតក្នុងចំណងអាពាហ៍ពិពាហ៍ បំពេញកិច្ចការងារ ជួយដល់ការថែទាំសុខភាព និងគ្រប់គ្រងថវិកា។ កាលវិភាគប្រចាំថ្ងៃរបស់យើងវាពេញពេកហើយ សម្រាប់ឱ្យយើងគ្រាន់តែ ទៅ ព្រះវិហារនោះ។ យើងមិនគ្រាន់តែមានជីវិតពេញដោយភារកិច្ចទេ តែយើងកំពុងតែរស់ឱ្យជីវិតរបស់យើងបានពេញបរិបូរណ៍។ អញ្ចឹងហើយ នេះមានន័យថា នៅពេលដែលយើងមកជួបជុំគ្នា និងពេលយើងចេញទៅខាងក្រៅ នោះយើងត្រូវការចាប់ផ្ថើមរស់នៅឱ្យបានដូចជាក្រុមជំនុំ ដែលមិនមែនគ្រាន់តែជាទីកន្លែងដែលយើងទៅ ប៉ុន្តែជាម្នាក់ក្នុងក្រុមជំនុំ ដែលជារូបកាយរបស់ព្រះយេស៊ូវ។ ដ្បិតយើងហើយ ដែលជាបំណែកនៃរូបកាយរបស់ព្រះ។ 

ចូរអធិស្ឋាន៖ ឱ ព្រះអម្ចាស់អើយ តើទូលបង្គំធ្លាប់ចាត់ទុកខ្លួនឯងថាជាមនុស្សដែលគ្រាន់តែទៅព្រះវិហារ ជាជាង ថាខ្លួនជាម្នាក់នៃក្រុមជំនុំ ដែលជាបំណែកមួយនៃរូបកាយរបស់ព្រះអង្គ ដែរឬយ៉ាងណា?

ស្ដាប់ពីមេរៀននេះ និងសារដទៃផ្សេងទៀត។