Dduw, beth amdana i?Sampl

Dwyn Gwarth ar y Diafol

Dwyn gwarth ar y diafol! Gwna iddo demlo embaras gyda dy ffydd. Cywilyddia e gyda dy fywyd gweddi. Gwna iddo gwestiynu ei hun am ymyrryd efo ti. Gad iddo deimlo embaras am ymosod ar dy feddwl. Trawa e nôl drwy weddïo er gwaethaf dy boen, trwy gynllunio er gwaethaf y siom, trwy gael ffydd er gwaethaf yr hyn y mae eich llygaid corfforol yn ei weld.

Mae’r diafol eisiau dwyn ein ffydd. Dydy e ddim o bwys ganddo am dy deulu, car, iechyd, addysg, a. y. y. b. Mae e eisiau lladd dy ffydd. Dyna sut mae e’n gallu lladd, dwyn a dinistrio.

Cofia fod Duw yn cwrdd â ni mewn dioddefaint! Gad i hwn fod yn gyfle i fynd yn ddyfnach gyda christ. Profa e a bydd ei ras yn helaeth. Byddi’n mynd o flaen Duw pan yn chwilio am job, car newydd, priodas, iachâd i dy gorff, a’r canlyniad fydd rhywbeth hyd yn oed yn well -

Mae bod â ffydd yn gallu gwneud i ti deimlo mor unig. Gall wneud i ti ragdybio, edrych yn wallgof ac yn wirion. Fel y dywedodd dyn doeth ryw dro, “Efallai na wn i beth ddaw yfory, ond gwn pwy sy'n dal yfory, ac fel mae’n digwydd mae e’n dal fy llaw.”

Ni adawodd i unrhyw beth ei rwystro rhag achub dy fywyd, felly gelli fod yn siŵr ei fod o ddifrif pan mae’n dweud na wnaiff dy adael.