Знайдзі час на адпачынакУзор

Выключы тое, што адцягвае тваю ўвагу.

Калі ты не адвядзеш часу на тое, каб адпачыць ад навакольнага сьвету, то навакольны сьвет праглыне цябе. - Эруін МакМанус

Адно з азначэньняў адпачынку - гэта быць свабодным ад непакою або турботаў. У наш час заўсёды знаходзяцца рэчы, якія перашкаджаюць нам адпачываць і прымушаюць нас непакоіцца. Магчыма, што спачатку тыя рэчы падаюцца прыемнымі, і мы думаем, што яны асьвяжаюць нас, але ў рэшце рэшт яны пакідаюць нас без сапраўднага адпачынку.

Шматлікія людзі распавядаюць пра розныя шляхі выключыцца ў нашым ультраўключаным сьвеце. Існуюць кнігі, артыкулы, падкасты ды паведамленьні, што прапануюць нам “тры крокі”, як пераадолець ашаламленьне ад рэчаў, якія адцягваюць нашую ўвагу. Але розныя рэчы адцягваюць увагу розных людзей. Тое, што адцягвае ўвагу аднае асобы, не абавязкова зьяўляецца праблемай для іншае асобы.

Дзеля таго, каб адпачыць ад таго, што адцягвае нашую ўвагу, мы мусім мець на ўвазе некалькі рэчаў. Па-першае, мы мусім ведаць, што адцягвае нашую ўвагу. Тое, што адцягвае нашую ўвагу ад важных рэчаў, бо яны падаюцца неадкладнымі або нам папросту падабаецца даваць ім волю. Па-другое, мы мусім быць гатовымі адмовіцца ад нашага парадку дня, каб нам не падавалася, што найважнейшыя ў нашым жыцьці людзі адцягваюць нашую ўвагу.

Мы павінны ўсталяваць ліміты на ўсё тое, што крадзе наш супакой ды адпачынак. Напэўна, прачытаўшы гэны сказ, ты дакладна ведаеш, што гэта. Замест таго, каб дазваляць тым рэчам красьці наш адпачынак ды найважнейшых у нашым жыцьці людзей, магчыма мы…

• … не карыстаемся нашым кампутарам для працы, калі нашыя дзеці ня сьпяць.


• … абіраем засяроджвацца на добрых рэчах, заміж таго, каб дазваляць клопатам гэтага сьвету адцягваць нашую ўвагу.


• … усталёўваем асаблівы рынгтон для членаў сям’і, а іншыя званкі адпраўляем у галасавую пошту.


• … абіраем не глядзець тэлебачаньне да выходных.


• … адкладаем пляны на будучыню, каб жыць у цяпершчыне.
… усталёўваем ліміты на пэўныя ўэб-старонкі, дадаткі ды відэа-гульні.

Калі мы безупынна знаходзімся ў турботах і клопатах, то мы мусім паменшыць або выдаліць усе тыя рэчы, якія прымушаюць нас так сабе адчуваць. Тое ня будзе лёгка. Усё каштоўнае патрабуе працы ды ахвяры. Няхай у нас больш ня будзе ні аднаго дня, калі мы дазваляем рэчам гэтага сьвету адцягваць нашую ўвагу ад адпачынку, які мае для нас Бог.

Паразважай

• Якія рэчы адцягваюць тваю ўвагу ад сапраўднага адпачынку найбольш?


• Якія крокі ты мусіш зрабіць сёньня, каб выдаліць або абмежаваць тыя рэчы ў тваім жыцьці?


• Занатуй тое, што Бог сказаў табе праз сёньняшняе чытаньне Бібліі або пасьвячэньне.