Знайдзі час на адпачынакУзор

Што азначае адпачываць?

З кожным месяцам нашыя расклады становяцца ўсё больш насычанымі. Калі мы спрабуем пабачыцца зь сябрамі, мы зьдзіўляемся, што наш наступны вольны вечар - празь месяц. У нас дзіцячыя гурткі, царкоўныя падзеі, працоўныя праекты, вечарыны з нагоды дзён народзінаў ды летнія вакацыі. Мы запраграмавалі ды заплянавалі ўсё сваё жыцьцё, не пакінуўшы месца дзеля хоць чагосьці такога, што магло б хоць трохі амаладзіць нас ды запрапанаваць нам адпачынак.

Мы зачаста думаем, што адпачываць азначае, што мы мусім лайдачыць. Што мы можам сядзець увесь дзень дома і анічога не рабіць. У той час, як гэтакі тып адпачынку сапраўды мае месца ў нашым жыцьці, гэта ня ўсё.

Адпачынак дапамагае ачуняць.

Адпачываць - гэта ведаць, калі нашыя сілы вычарпаліся, калі мы зьнясіленыя й нам трэба пачаць дыхаць на поўныя грудзі. Гэта ведаць нашыя ліміты ды здольнасьць спраўляцца з патрабаваньнямі штодзённага жыцьця. Дзеля таго, каб нашыя целы цалкам ачунялі, мы мусім добра адпачываць, і тое ўлучае добра спаць уначы. Калі мы заўважаем, што часта адчуваем стомленасьць, было б мудра ацаніць ня толькі даўжыню начнога сну, але й часавы прамежак, у які мы сьпім.

Адпачынак асьвяжае.

Адпачываць - гэта разумець, што зараджае нас энэргіяй, а што не. Гэта абіраць заняткі або бязьдзейнасьць, што прынясуць асьвяжэньне нашаму духу. Асьвяжэньне ніколі ня прыйдзе, калі мы будзем працягваць рабіць рэчы, якія зьнясільваюць нас замест рэчаў, якія даюць нам сілу. Падчас адпачынку мы мусім браць больш, чым даваць.

Адпачынак аднаўляе.

Адпачываць - гэта зазнаваць глыбокае аднаўленьне ўва ўсіх сфэрах нашага жыцьця. Гэта праводзіць час з Богам, каб рабіцца новымі ў духу. У той час як нам можа падабацца рабіць пэўныя рэчы, якія асьвяжаюць наш розум, у рэшце рэшт мы павінны асьвяжаць наш дух, штодня праводзячы час з Богам.

На працягу наступных чатырох дзён мы даведаемся пра некаторыя спосабы адпачываць целам, розумам ды духам. Мы даведаемся аб тым, як складаць рутыны, што стануць штодзённымі звычкамі. Зрабіўшы тое, мы пачнем выдаляць мэнтальнае, эмацыйнае, духоўнае ды фізычнае зьнясільваньне з нашага жыцьця.

Паразважай

• Калі ты думаеш пра тое, каб адпачыць, ці тое падаецца табе нерэальным?


• Якая сфэра твайго жыцьця патрабуе адпачынку найбольш? Цела, розум або дух?


• Занатуй тое, што Бог сказаў табе праз сёньняшняе чытаньне Бібліі або пасьвячэньне.