Марыя была маціУзор

Сучасныя пастаноўкі на Раство часта паказваюць, як Марыя едзе на асляняці з Назарэту ў Бэтлеем для перапісу. Але больш верагодна Язэп з Марыяй ішлі пехатою і спыняліся на ноч. Вандроўка працягласцю каля 160 кіламетраў займала 4 ці 5 дзён, дарога вяла іх па гарыстых мясцінах. Марыя была на дзявятым месяцы цяжарнасці! Я памятаю, як мы ехалі ў нараджальны дом на машыне каля 15 кіламетраў на мае першыя роды. Не думайце, што я не скардзілася майму беднаму мужу на кожны падскок і няроўнасць на працягу гэтай паездкі!

Мне цікава: Марыя скардзілася на сваё доўгае складанае падарожжа ў Бэтлеем?

Пазней цяжкасці павялічыліся. Я не ведаю, ці Язэп не карыстаўся мапай, ці ім прыходзілася часта спыняцца з-за таго, што Марыя была цяжарная, ці ён проста дрэнна ўсё спланаваў, таму то, калі яны прыйшлі ў Бэтлеем, ім не было месца, дзе спыніцца! Усе гасцініцы былі запоўненыя. І зноў жа Біблейны аповед не ўзгадвае нічога аб тым, як Марыя ставілася да усяго гэтага, а вытрымаць ёй прыйшлося нямала.

І гісторыя робіцца ўсё горшай. Яна нараджае сваё першае дзіця ў хляве! Ніякага камфорту, ніякіх дактароў. Пералічванне ўсіх гэтых цяжкіх падзей выклікае ў мяне непрыемныя пачуцці. Дзе апісанне таго, як Марыя ўсхліпвае ад расчаравання? Дзе яе абурэнне? Дзе прэтэнзіі да Язэпа за ягоную няўмеласць і няўважлівасць?

Няма.

Марыя не рэагуе эмацыйным усплескам на сваю складаную сітуацыю. Хаця не, рэагуе. Пасля таго, як да яе зноў завітаў анёл і пасля ячэ аднаго напаміну не баяцца, яна разважае.

Гэта тое, то мы ведаем з Біблейнага аповеду. Яна думае і разважае над сваёй сітуацыяй. Яна не спрабуе разабрацца. Яна не выносіць абвінавачванні. Яна не будуе планы і не задае ўсе магчымыя пытанні. Замест гэтага яна складвае ўсё ў сваім сэрцы!

Як яна стала здольнай рэагаваць такім чынам?

Падумайце аб гэтым: яна насіла і нарадзіла Спакой!

Мы з вамі таксама можам рабіць такі цудоўны выбар кожны раз, калі нас паглынаюць цяжкія абставіны – нараджаць Спакой. Ён тут, побач з намі – Эмануіл, Бог з намі – Адказ на ўсе нашыя пытанні, нашыя планы, нашыя трывогі. Спакой у абмен на нашыя трывогі.

Ці з’яўляецца Ён вашым Спакоем у жыццёвых штормах? Ці нараджаеце вы Спакой і ці рэагуеце вы са Спакоем, або вы дазваляеце вашым эмоцыям кіраваць вамі?

О, Ойча – Ісус – будзь маім Спакоем! Дапамажы мне выбіраць Цябе і рэагаваць так, як Ты, а не так, як кіруюць мае эмоцыі