Марыя была маціУзор

Дзяўчына, абраная Богам дзеля таго, каб вынасіць Ягонага адзінага Сына, была вельмі падобнай на цябе і мяне. З усіх бакоў яна выглядала звычайнай дзяўчынай, але Бог абраў яе дзеля неверагоднай мэты. Яна не была нашчадкам каралёў, і яна не была яшчэ вядомай, але ў Божых вачах яна не была звычайнай. Ён ведаў яе сэрца. Яе сэрца было падрыхтаваным, цалкам адданым Яму. У ім былі сціплыя якасці, якія аддзялілі Марыю дзеля цудоўнай місіі - місіі быць маці Ягонага Сына.

У Божым цудоўным плане - плане, аб якім Ён ведаў і склаў да таго, як стварыў гэты свет Сваім словам - Ён абраў гэтую маладую дзяўчыну. Таксама ён абраў дакладныя час і месца ва ўсёй гісторыі, каб прынесці Сябе нам, Эмануіл. Ён мог з'явіцца ў любой форме, нават на аблоках славы, як Ён і з'явіцца ў сваім часе. Замест гэтага Ён прыйшоў як бездапаможнае немаўля - цалкам чалавек і цалкам Бог.

І Ён абраў Марыю, каб яна стала Ягонай маці.

Быць маці - гэта звычайнае негламурнае пакліканне шматлікіх жанчын. І хоць прызначэнне менавіта гэтай маці было велічным, дзякуючы Таму, Каго яна насіла, яе жыццё было не менш значным, чым тваё ўласнае.

Марыя была незвычайнай, такой як і вы. Так як Бог абраў адмысловую дзяўчыну, каб яна стала маці Ягонага Сына, так Бог абраў менавіта цябе, каб ты стала маці сваіх дзяцей. Яе жыццё, як і тваё жыццё, не было выпадковасцю або касмічным здарэннем. Мы можам атаясамліваць сябе з жыццём Марыі, поўным радасці і болю, смеху і тугі, веры і страху, і вучыцца на ім. Яна была маці, як ты і я.

Яшчэ да пачатку часу Бог запусціў траекторыю твайго жыцця. Усе тыя, хто былі перад табой - твае продкі, спадчына і паходжанне - былі прызначаныя дзеля таго, каб памясціць цябе менавіта ў гэты момант і месца ў гісторыі. Ён ведаў, што гэта будзе найлепшым часам і дасканалым месцазнаходжаннем у свеце для цябе, каб спазнаць Яго, і для твайго жыцця, каб паказваць Ягоную славу і ласку, асабліва ў жыцці тваіх дзяцей.

Так, як Бог ведаў Марыю, Ён ведае цябе, і Ён спланаваў для цябе добрае жыццё, багатае ласкі і дабрыні. Ці верыш ты гэтаму?

Ойча, дапамажы мне бачыць адбіткі Тваіх пальцаў на працягу ўсяго майго жыцця, якія прывялі мяне ў гэты час і месца ў гісторыі. Я жадаю, з дапамогай сілы Твайго Святога Духа, з ахвотаю ўспрымаць усё, што Ты маеш для мяне, нават цяжкасці. я накіроўваю сваё сэрца да Цябе і выбіраю верыць, што Твая ласка са мною - Тваёй абранай дачкой - так, як яна была з Марыяй.

Магчыма, тваё дзяцінства і сямейны радавод зусім не зорны. Калі ты будзеш чытаць сённяшні ўрывак з Пісання, няхай тваё сэрца знойдзе суцяшэнне ў усведамленні таго, што нават Ісус меў паходжанне з доўгай чарады зламаных людзей.

Паразважай над гэтым, карыстаючыся ўрыўкам для сённяшняга чытання