Ідзі Рабі Кажы Давай: Свабода ў скарэньні ІсусуУзор

Я пайду туды, куды Ты хочаш, каб я йшоў

Нікому не падабаецца загразаць. Гаворка ідзе пра загразаньне ў рутыне або эмацыйнае загразаньне, калі няма аніякага зруху або разьвіцьця. Гэтак адчуваць сябе мы можам і духоўна. І шчыра кажучы, кожны з нас час ад часу загразае на сваім духоўным шляху. Але ёсьць добрая навіна: Ісус увесь час працуе над тым, каб мы некуды трапілі. Хадзіць за Ім — значыць ісьці туды, куды Ён хоча, каб мы йшлі, і, калі мы будзем слухацца Яго, дык тое не дазволіць нам засесьці надоўга.

Менавіта так зрабіў Абрагам у Быцьці 12. Калі Абрагам “загразнуў” у сваім родным мястэчку, то Бог загадаў Яму выправіцца ў надзвычайнае падарожжа, пакінуўшы сваю краіну й сям’ю, каб пайсьці туды, куды загадаў Бог. Вынікам Абрагамавае веры стаў новы народ, які шанаваў Бога і зь якога выйшаў Мэсія на збаўленьне чалавецтва.

Габрэяў 11:8 кажа нам, што Абрагам паслухаўся Бога й “пайшоў, не разумеючы, куды ідзе.” Ён даў нам прыклад таго, што ісьці туды, куды нас кліча Бог, насамрэч ёсьць пытаньнем веры — даверу дабрыні й дасканаламу Божаму пляну на нашае жыцьцё. Калі патрэбна давяраць, то зьяўляецца рызыка й часам страх, бо мы ня ведам, што ўсё гэта прынясе з сабой. Абіраючы ісьці, мы абіраем супрацьстаяць страху.

Калі Ісус скончыў Сваю зямную місію, то Ён загадаў Сваім вучняў наступнае: “Ідзеце, навучайце ўсе народы…” (Мацея 28:19). У 17-ым разьдзеле эвангельля паводле Яна Ён кажа Бацьку: “Як Ты паслаў Мяне ў сьвет, так і Я паслаў іх у сьвет.” Калі мы йдзем туды, куды Ісус хоча, каб мы йшлі, то ў выніку абавязкова зьявяцца новыя вучні, г. зн. пасьлядоўнікі Хрыста. На жаль, шмат якія людзі думаюць, што Ісусаў загад “навучаць усе народы” — гэта нейкі асаблівы талент альбо апісаньне прафэсіі ў служэньні. Але існуе шмат спосабаў навучаць усе народы.

Гэта нешта такое, што можа зрабіць кожны вернік, накшталт гасьціннасьці або хадайніцкае малітвы. Скараючы сваё жыцьцё кантролю Сьвятога Духа, скажэце Ісусу, што вы гатовы ісьці туды, куды Ён хоча, каб вы йшлі на вашым духоўным шляху, улучаючы навучэньне іншых людзей. Дазвольце Яму накіраваць вас да тых людзей і навучыць вас жыць у паслушэнстве.

Ці вы пойдзеце туды, куды вас кліча сёньня Бог?

Спытайцеся Яго, на каго вы можаце паўплываць сёньня, каб яны сталі пасьлядоўнікамі Ісуса.