Sout En LigVoorbeeld

In die tyd toe Jesus op aarde gelewe het, was lampe in huise lewensbelangrik. Hulle het die huise met lig gevul en die donkerte verdryf. As Christene het ons 'n soortgelyke rol in hierdie wêreld.

Stel jou 'n wêreld sonder lig voor. Dink aan hoe anders jou lewe sonder lig sou wees.

So 'n wêreld sou onveilig wees. Ons sou mekaar nie kon sien nie, of take verrig nie en dit sou moeilik wees om rond te beweeg. 'n Wêreld sonder lig sou vreesaanjaend wees. Donkerte is ook dikwels 'n sluier vir die bose en gevaar. 

Volgens Jesus is dit nodeloos om 'n geheime dissipel te wees. Hy het na Homself as die lig van die wêreld verwys — 'n lig wat nooit deur donkerte oorweldig kan word nie. 

Jesus is die lig van die wêreld en ons dui die pad na Hom toe aan deur middel van ons getuienis in woord en daad. As ons dit nie regkry om ander na Hom toe te lei nie, sal die wêreld donker bly en niemand sal floreer nie.

Jy kan lig in duisternis inbring, maar jy kan nie duisternis in lig inbring nie. Ons moet die pad met genade, liefde en deernis verlig.