'n Moeë Wêreld Juig — 'n Advent-leesplanVoorbeeld

Vir duisende jare het die mensdom gewag op die koms van Christus; hulle het verlang dat hulle Koning sou kom en hulle van onderdrukking bevry. Die Bybel is vol Skrif wat direk na die Een wys wat die mensdom van hulle sondes sou red.

Toe Jesaja (Jesaja 9) sy koms beskryf het, het hy dit as 'n baba beskryf. Hierdie kind sou egter groei en vir ewig 'n koninkryk van geregtigheid vestig. Wanneer ons Kersfees vier, vier ons die oomblik in die geskiedenis toe hierdie en alle profesieë vervul is. God het gekom om by ons te wees ... gewillig en liefdevol.

Dit was egter soveel meer as 'n geboorte — dit was hoop. Dit was 'n rede vir feesviering. Toe Jesus gekom het, het Hy ook vir ons die geskenk van verlossing nagelaat. Sy geboorte is betekenisvol as gevolg van sy dood. Vir drie en dertig jaar het Jesus 'n lewe vry van sonde gelei sodat Hy die volmaakte offerlam vir die versoening van ons sondes kon wees. Op Golgota het Christus die prys betaal en die dood oorwin sodat ons oorwinning oor sonde en veroordeling kon hê. Toe daardie kosbare baba gebore en in die krip geplaas is, was dit nie net nog 'n geboorte nie. Dit was die begin van God se verlossingsplan vir die mensdom. 'n Daad waaraan Hy nie nodig gehad het om deel te neem nie, maar Hy het dit uit liefde gekies. Halleluja!