Herstel: Luukse LeesplanVoorbeeld

Dag 9: Sondagoggend 

"Ek is al hierdeur 'n keer of twee

Ek bly teruggaan 

Maar nou is ek uiteindelik klaar

Ek sê: 'as ek God was

sou Ek moeg wees vir jou'

Maar sy arms is oop

Soos Hy jou begeer

Ek sê: 'sjoe'

Rook, slukkie, gly

Het gedink ek het my greep verloor en sjoe

Hy trek my terug en sê ek is vergewe”

Hoekom doen ek die dinge wat ek nie wil doen nie? Hierdie vraag word al vir duisende jare gevra. Jy is nie die eerste een om dit te vra nie. Jy is ook nie die eerste een om hierdeur te worstel nie. 

Elke keer wanneer jy wakker word, kry jy nog 'n kans. Wat wonderlik is van ons God, is dat sy genade oneindig is. Al word ons moeg daarvan om dieselfde foute oor en oor te maak en al is dit moeilik om ons geliefdes aanmekaar te vergewe, is God se geduld nie soos ons s'n nie. Die Skrif sê God se geduld is uitermatig. Nie net "geduldig" nie, of selfs "baie geduldig" nie, maar uitermatig. Elke oggend is sy barmhartigheid nuut.

Wat 'n rede om God te loof. Die ewige, onsterflike en onsigbare en enigste God.  

Gebed: Vader, dankie vir u geduld met my. Help my om in geduld te groei en my geduld teenoor ander te vorm volgens die voorbeeld wat U stel in u geduld met my.