God se HartklopVoorbeeld

SELFVERTROUE

Spreuke 3:26

Jy kan altyd op Hom vertrou. Hy sal jou beskerm. Liewe Jesus, ek bely egter aan U dat ek nie altyd so leef nie. Vergewe my wanneer my geloof wankel, my oë dwaal en my voetstappe verswak. Laat my onthou wie U is: God Almagtig, Magtige Skepper, Heer van die Leërskare, Koning van Glorie. Ja, U is my Banier, my Herder, my Vrede en my Verdediging. Herinner my, Here, dat U die Groot EK IS, 'n skild voor my en 'n fondament onder my is. Wanneer ek uitgeput vra: "Waar kom my hulp vandaan?" Laat my met selfvertroue sê: "My hulp kom van die Here wat die hemel en die aarde gemaak het." U, O God, sal nie toelaat dat ek struikel nie; U wat my beskerm, slaap nooit nie. U sal my beskerm teen alle gevaar, my lewe sal U beskerm. Ja, U maak my voete soos dié van 'n ribbok; op hoë plekke laat U my stewig staan. U leer my hande om oorlog te maak, my arms om selfs die stramste boog te span. Hoor my sê met nuwe geloof: "Ek is tot alles in staat deur Hom wat my krag gee!" Ja, U, O God, is my selfvertroue.

© Chris Baxter 2014  Clear Day Uitgewers