Psalms 142
142
Ek het net vir U in hierdie lewe
1'n Lied. Van Dawid, toe hy in die grot was. 'n Gebed.
2Ek roep en ek vra dat die Here my moet help,
ek bid dat die Here genadig moet wees vir my.
3Ek wil by die Here kla, ek wil vir Hom vertel
hoe sleg dit met my gaan.
4Wanneer ek moedeloos word,
dan is dit U wat weet wat met my gebeur.
My vyande het vir my 'n vangnet styfgetrek
op die pad waar ek loop.
5Wanneer ek langs my kyk,
dan is daar niemand
wat van my weet nie.
Daar is nie 'n plek waarnatoe ek kan vlug nie,
niemand is bekommerd oor my nie.
6Here, ek bid tot U, help my asseblief,
dit is U wat my moet beskerm,
ek het net vir U in hierdie lewe.
7U moet luister wanneer ek bid,
want dit gaan baie sleg met my.
U moet my red van die mense wat my jaag,
want hulle is te sterk vir my.
8U moet my uithaal uit die tronk,
dan sal ek vir U dankie sê,
en die mense wat reg lewe,
sal rondom my kom staan
omdat U goed was vir my.
Tans Gekies:
Psalms 142: ABA
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Bybelgenootskap van Suid-Afrika 2007. Gebruik met toestemming. Alle regte voorbehou.