Jeremia 28
28
Die houtjuk en die yster-juk
1Die profeet Gananja seun van Assur, van die stad Gibeon, het in dieselfde jaar met my in die tempel gepraat. Dit was in die vierde jaar nadat Sedekia koning van Juda geword het, in die vyfde maand. Die priesters en al die mense het dit gehoor. Gananja het gesê:
2“Die Here wat oor alles regeer, die God van Israel, sê: Ek sal die juk van die koning van Babel breek. 3Voordat twee jaar verby is, sal Ek al die tempel-gereedskap terugbring wat koning Nebukadnesar weggevat het na Babel, Ek sal dit terugbring na hierdie plek. 4En Ek sal ook vir Jojagin seun van Jojakim, koning van Juda, en almal wat uit Juda na Babel moes gaan, terugbring na hierdie plek. Ja, Ek sal die juk van die koning van Babel breek. Dit het die Here gesê.”
5Die profeet Jeremia het die profeet Gananja geantwoord. Die priesters en al die mense wat in die tempel gewerk het, het dit gehoor. 6Die profeet Jeremia het gesê: “Ek wens jy was reg. Ek wens die Here doen wat jy gesê het. Ek wens die boodskap wat jy gebring het, was waar, sodat die tempel-gereedskap kan terugkom na hierdie plek en ook die mense wat na Babel moes gaan. 7Maar luister eers wat ek vir jou en vir al die mense sê: 8Die profete wat lank voor my en jou gelewe het, het boodskappe gebring oor baie en belangrike lande. Hulle het gesê daar kom oorlog en die mense sal swaarkry en almal sal siek word en sterf van pes. 9Maar wanneer 'n profeet 'n boodskap bring en hy sê daar sal vrede kom, dan moes die vrede eers kom en daarna het die mense geweet die Here het die profeet regtig gestuur.”
10Toe haal die profeet Gananja die juk van die profeet Jeremia se nek af en hy breek dit, 11en hy sê sodat al die mense hoor: “Die Here sê: So sal Ek ná twee jaar die juk van die koning van Babel afhaal van die nekke van al die volke en Ek sal dit breek.”
12Die profeet Jeremia het toe geloop. Maar nadat die profeet Gananja die juk van die profeet Jeremia se nek afgehaal het en dit gebreek het, het die Here vir Jeremia gesê: 13“Gaan sê vir Gananja: Die Here sê jy het die houtjuk gebreek, maar jy moet nou 'n yster-juk maak, 14want die Here wat oor alles regeer, die God van Israel, sê: Ek sit 'n yster-juk op die nek van al hierdie volke, hulle sal die slawe wees van die koning van Babel, en hulle sal vir hom werk. Ek gee ook al die wilde diere vir hom.”
15Die profeet Jeremia het ook vir die profeet Gananja gesê: “Gananja, luister goed. Die Here het jou nie gestuur nie, maar jy het hierdie mense laat glo dat leuens hulle kan help. 16Die Here sê: Omdat jy dit gedoen het, sal Ek jou wegvee van die aarde. Jy sal sterf voordat hierdie jaar verby is. Hoekom? Want jy het vir die mense gesê hulle moet opstandig wees teen die Here.”
17Die profeet Gananja het in daardie jaar gesterf, in die sewende maand.
Tans Gekies:
Jeremia 28: ABA
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Bybelgenootskap van Suid-Afrika 2007. Gebruik met toestemming. Alle regte voorbehou.