Hosea 6
6
Kom ons gaan terug na die Here toe
1Die Here het gesê:
“Die mense van Israel
en Juda sal sê:
‘Kom ons gaan terug na die Here toe.
Dit is Hý wat ons stukkend
geskeur het,
maar Hy sal ons
weer gesond maak.
Dit is Hy wat ons geslaan het,
maar Hy sal
ons seerplekke toedraai.
2Hy sal ons gesond maak
ná twee dae,
Hy sal ons laat opstaan
op die derde dag
sodat ons kan lewe
soos Hy wil hê.
3Ons wil naby die Here wees,
ons is haastig om naby
Hom te wees.
Hy sal na ons toe kom,
dit is seker,
so seker soos dit lig word
in die oggend.
Hy sal kom, soos die reën
wat in die lente val
en die grond natmaak.’ ”
Julle liefde is soos 'n wolk
4Maar die Here sê ook:
“Wat moet Ek met julle doen,
mense van Israel en Juda?
Julle liefde is soos 'n wolk
of soos dou.
Dit is vroeg in die oggend daar,
maar dit verdwyn gou.
5Dit is hoekom Ek
die profete gestuur het
om hard te praat met julle
en vir julle te sê dat julle sal sterf.
Ek wou julle straf, so seker
soos die son elke dag opkom.
6Ek wou julle straf,
want offers en brand-offers
is nie vir My belangrik nie.
Ek wil hê julle moet lief wees vir My
en julle moet naby My wees.
7Julle het die verbond
met My gebreek
soos julle gedoen het
in die stad Adam.
Julle was toe ontrou aan My.
8Al die mense in die land Gilead
het verkeerde dinge gedoen,
hulle was skelm
en hulle het mense vermoor.
9Die klomp priesters
het soos diewe gelê en wag
langs die pad na die stad Sigem
en hulle het mense vermoor.
Hulle het verkeerde dinge gedoen.
10Die dinge wat Ek in die volk Israel sien,
is baie verkeerd.
Die mense van Israel
is ontrou aan My,
hulle het hulleself
onrein gemaak.”
Ek weet alles wat hulle gedoen het
11Die Here het gesê:
“Wanneer Ek dit weer
goed laat gaan met my volk,
dan sal Ek dit ook doen
vir die mense van Juda.
Tans Gekies:
Hosea 6: ABA
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Bybelgenootskap van Suid-Afrika 2007. Gebruik met toestemming. Alle regte voorbehou.