Amos 2
2
Die Here sal die Moabiete straf
1Die Here sê:
“Die mense van Moab
het 'n baie groot sonde gedoen,
daarom sal Ek hulle straf.
Hulle koning het die koning van Edom
se bene verbrand
om kalk te maak.
2Daarom sal Ek 'n vuur stuur
na die land Moab.
Die mooi huise van die stad Kerijot
sal afbrand.
Hulle vyande sal hard skree,
hulle sal brul soos leeus
en hulle sal die ramshoring blaas.
Hulle sal oorlog maak teen Moab,
en die Moabiete sal sterf.
3Ek sal die koning van Moab
en al sy amptenare
saam met hom doodmaak.”
Dit is wat die Here gesê het.
Die Here sal die mense van Juda straf
4Die Here sê:
“Die mense van die land Juda
het 'n baie groot sonde gedoen,
daarom sal Ek hulle straf.
Die wet van die Here
was nie vir hulle belangrik nie.
Hulle het nie gedoen
wat die Here gesê het nie.
Hulle voorvaders
het vals gode aanbid,
en daarom het die mense van Juda
verkeerd gedoen.
5Daarom sal Ek 'n vuur stuur
na die land Juda,
en die mooi huise
van die stad Jerusalem
sal afbrand.”
Die Here sal die mense van Israel straf
6Die Here sê:
“Die mense van Israel
het 'n baie groot sonde gedoen,
daarom sal Ek hulle straf.
Hulle het onskuldige mense verkoop
om geld te kry,
en die mense het slawe geword.
Hulle het arm mense verkoop
omdat die arm mense
geld geskuld het vir 'n paar sandale.
7Hulle trap die arm mense
se koppe in die grond in.
Hulle doen nie reg
aan die mense wat niks het nie.
'n Jongman en sy pa
slaap by dieselfde slawe-meisie,
en so ontwy hulle
my heilige Naam.
8Hulle vat die klere van mense
wat vir hulle geld skuld
en gaan lê op daardie klere
by die altare.
Hulle laat mense
boete betaal met wyn,
en dan drink hulle die wyn
in die huis van hulle God.
9“Die Amoriete was lang mense.
Hulle was so hoog
soos sederbome
en so sterk soos eikebome.
Maar Ek het al die Amoriete
doodgemaak,
die ouers en die kinders.
Ek het dit gedoen
om vir die mense van Israel
'n plek te gee
waar hulle kan woon.
10Ja, Ek het julle uit Egipte gebring
en 40 jaar lank saam met julle
deur die woestyn gegaan
sodat julle die Amoriete
se land kon vat.
11Ek het party van julle seuns
gekies om profete te wees,
en Ek het party van julle jongmanne
gekies om nasireërs te wees.
“Is dit waar of is dit nie waar nie,
mense van Israel?
12“Maar julle het die nasireërs
wyn laat drink,
en julle het vir die profete gesê
hulle mag nie profete wees nie.
13Daarom sal Ek julle straf,
julle sal inmekaar val
soos 'n wa inmekaar val
wanneer mense te veel
koring-gerwe daarop laai.
14Mense wat vinnig kan hardloop,
sal nie kan weghardloop nie.
Sterk mense sal nie
sterk genoeg wees nie.
Soldate sal hulleself nie kan red nie.
15Mense wat met pyl en boog skiet,
sal weghardloop.
Ook mense wat vinnig kan hardloop,
sal nie kan vlug nie.
Mense wat op perde ry,
sal hulleself nie kan red nie.
16Almal sal daardie dag
kaal wegvlug,
ook die dapperste soldate.”
Dit is wat die Here gesê het.
Tans Gekies:
Amos 2: ABA
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Bybelgenootskap van Suid-Afrika 2007. Gebruik met toestemming. Alle regte voorbehou.