Ons Daaglikse Brood: Vind Troos ten Tye van Verlies Voorbeeld

'n Rede Vir Hoop



Dit is een van die hartseerste verhale van die Bybel, tog dit het een van die mees hoopvolle gesange van die 20ste eeu geïnspireer.



Die profeet Jeremia het ondenkbare gruwels gesien toe die Babiloniërs Jerusalem in 586 v.C. binnegeval het. Salomo se tempel is tot 'n puinhoop afgebreek, en daarmee saam was nie net die middelpunt van aanbidding weg nie, maar ook die hart van die gemeenskap. Die mense is gelaat sonder kos, geen rus, geen vrede, en geen leier nie. Maar te midde van die lyding en droefheid het een van hul profete 'n rede vir hoop gevind. Jeremia het geskryf: "deur die liefde van die Here het ons nie vergaan nie; daar is geen einde aan sy ontferming nie, dit is elke môre nuut." (Klaagliedere 3:22-23). Jeremia se hoop het gekom uit sy persoonlike ervaring met die Here se getrouheid en uit sy kennis van God se beloftes van die verlede. Daarsonder sou hy nie sy volk kon vertroos nie.



Hierdie hoop van Klaagliedere 3 word weerklink in 'n gesang deur Thomas Chisholm (1866–1960). Alhoewel hy sy hele lewe lank met siekte en terugslae geteister was, het hy geskryf: "U trou is groot." Dit verseker ons dat ons selfs in tye van groot vrees, tragiese verlies en intense lyding, vertroosting en vertroue kan vind wanneer ons vertrou op God se wonderbare trou. "Oggend na oggend sien ek nuwe genade; alles wat ek nodig gehad het, het u hand voorsien — wonderlik is u getrouheid Here, aan my!" – Julie Ackerman Skakel



Die beste rede vir hoop is God se getrouheid.