Leesplan inligting
God se HartklopVoorbeeld
ALLERHOOGSTE GOD
Daniël 4: 2
O God, U is die Allerhoogste God! Hoe groot is U tekens, en hoe magtig is U wonders! U koninkryk is 'n ewige koninkryk, en U heerskappy is van geslag tot geslag. Ek loof U; ek verhef U; in nederigheid buig ek voor U. Ek koester U wonders van ouds: Skepper van die aarde en volhouer van die hele mensdom, meester van tyd en maker van konings en koninkryke. Niks ontsnap U nie! U het alle dinge in die regte plek geplaas, van die eerste dag tot die laaste. U regeer; laat die aarde juig ... reg en geregtigheid is die grondslag van U troon. Allerhoogste God, wie is ek om in U teenwoordigheid te wees of 'n rol in u koninkryk te speel? Om te dink, as gevolg van U grootse wonder, Jesus Koning van Liefde, het ek die reg ontvang om U kind te word! Ek buig my aangesig na die grond; ek is verstom; ek is in verwondering. Hef my open ek sal U dank met my hele hart; ek sal van al U wonders vertel. Ek sal bly wees en U verhef; ek wil tot eer van U Naam psalmsing, o Allerhoogste.
(Kursiewe woorde is gedeeltes van die Skrif wat uit die NLV weergawe geneem word. Verwysings, wat onder die verwysingsbladsy verskyn, is in die volgorde waarin hulle in die oordenkingsgebed voorkom.)
© Chris Baxter 2014 - Clear Day Uitgewers
Aangaande hierdie leesplan
'n Geloofskat lê in hierdie 30 dae van toewyding, "Die hartklop van God." Elke dag begin met 'n lofverklaring met die woorde: "O God, U is...". Dan word Sy karakter en eienskappe (byvoorbeeld: "O God, U is goed") ontvou....
More