میں کیا کر سکتا ہوں جب میں آزمائش میں پڑتا ہوں؟

اسے خدا کے پاس لے جائیں ۔ ابھی۔

جب آپ آزمائش میں پڑیں تو یہ وعدہ یاد کریں: " تم کسی ایسی آزمایش میں نہیں پڑے جو انسان کی برداشت سے باہر ہو اور خدا سچا ہے۔ وہ تم کو تمہاری طاقت سے زیادہ آزمایش میں نہ پڑنے دے گا بلکہ آزمایش کے ساتھ نکلنے کی راہ بھی پیدا کر دے گا تاکہ تم برداشت کر سکو۔" (1 کرنتھیوں 10 : 13)۔

خدا آپ کو کسی ایسی آزمایش میں پڑنے نہیں دے گا جس کی برداشت کی آپ میں طاقت نہ ہو۔ اس کے برعکس، شیطان ایسی آزمایش میں وقت ضائع نہیں کرے گا جس میں اسے لگے کہ آپ اس پر غالب آ سکتے ہیں۔

اس لئے جب بھی آپ آزمایش میں پڑیں، یاد رکھیں کہ آپ یہ مقابلہ خدا کی مدد کے بغیر نہیں جیت سکتے۔

یہ ردعمل بنائیں کہ جیسے ہی آپ آزمایش میں پڑیں تو آپ اسے خدا کو دے دیں۔

اس سے طاقت کی درخواست کریں۔

اسے اس کے حوالہ کر دیں۔

اسے خدا کے پاس لے کر جائیں ۔ ابھی۔

اس کے اثرات پر دھیان دیں

کیا ہو گا اگر آپ ایسا نہ کریں گے؟

ہمارے گناہ جو راز ہیں خدا ان کی عدالت کرے گا: " کیونکہ خدا ہر ایک فعل کو ہر ایک پوشیدہ چیز کے ساتھ خواہ بھلی ہو خواہ بری عدالت میں لائے گا۔" (واعظ 12 : 14)۔

یسوع نے خبردار کیا: " کیونکہ کوئی چیز ڈھکی نہیں جو کھولی نہ جائے گی اور نہ کوئی چیز چھپی ہے جو جانی نہ جائے گی۔ اس لئے جو کچھ تم نے اندھیرے میں کہا ہے وہ اجالے میں سنا جائے گا اور جو کچھ تم نے کوٹھریوں کے اندر کان میں کہا ہے کوٹھوں پر اس کی منادی کی جائے گی۔" (لوقا 12: 2 ۔ 3)

ہمارے الفاظ عدالت میں لائے جائیں گے: " اور میں تم سے کہتا ہوں کہ جو نکمی بات لوگ کہیں گے عدالت کے دن اس کا حساب دیں گے۔ کیونکہ تو اپنی باتوں کے سبب سے راست باز ٹھہرایا جائے گا اور اپنی باتوں کے سبب سے قصوروار ٹھہرایا جائے گا۔" (متی 12: 36 ۔ 37)

ایسے تمام گناہ جن کا اقرار نہیں کیا گیا، ان کی فہرست بنانے کے بعد، پطرس نے بیان کیا کہ جو یہ کام کرتے ہیں "وہ ان کا حساب اسے دیں گے جو زندوں اور مردوں کی عدالت کرنے کو تیار ہے۔" (1 پطرس 4: 5)

ان کا کیا ہو گا؟

"تو اس کا کام ظاہر ہو جائے گا کیونکہ جو دن آگ کے ساتھ ظاہر ہو گا وہ اس کام کو بتا دے گا اور وہ آگ خود ہر ایک کا کام آزما لے گی کہ کیسا ہے۔۔۔اگر یہ جل گیا، اسے نقصان ہو گا؛ لیکن خود بچ جائے گا مگر جلتے جلتے۔(1 کرنتھیوں 3 :13 ،15)

جو خیالات خدا کو پسند نہیں اور ایسے گناہ، خیالات یا الفاظ جن کا اقرار نہیں کیا گیا انہوں عدالت میں لایا جائے گا اور جلا دیا جائے گا۔ کیونکہ جنت ایک ایسی جگہ ہے جو کامل ہے اور ایسی چیزیں وہاں داخل نہیں ہو سکتی، ان کا جلنا اور برباد ہونا ضروری ہے۔

گناہ کو دور کیا گیا اور گناہ سے آپ کو کوئی فائدہ نہیں ہوا۔

جب آپ کی آزمایش میں ہوں اور محسوس ہو کہ آپ کو خدا سے بات کرنی چاہئے، تو اس کی موجودگی سے نہ بھاگیں۔

اگلے ہی لمحے اس کی طرف بھاگیں۔